影片
更多
2023-03-24
35 瀏覽
九龍城越黎越多隱世日本店，特別係omakase，以前黎九龍城就一定食泰國菜，而家嚟九龍城，識食梗係一定食omakase！ 北斗主要由渡邊師傅主理，lunch dinner都可以見到渡邊師傅，日本人係有一種對工作嘅熱誠哈哈。渡邊師傅話佢自己嚟咗香港37年 ，廣東話識聽，講得算係咁，渡邊師傅講嘢都幾好笑。北斗唔係omakase，係懷石料理，師傅多次強調omakase同懷石料理嘅分別，懷石料理係類似法國fine dining，師傅係除咗新鮮食材之外，仲會design每一道菜嘅presentation，注重空間感，其實入去睇都裝修，你就會知道佢哋係好用心去design整個空間，視覺味覺空間整個嘅感受。螢光魷魚 平貝燒過嘅平貝，口感煙韌肉質結實，貝類嘅鮮味會留喺口腔好一段時間，平貝係每日日本新鮮運到，而家當造，四月後就無，師傅開平貝嘅時候仲專登俾我哋影咗張相打卡，非常貼心。螢光魷魚，加上紫蘇花，非常refresh，一道前菜就已經令你驚喜非常。蜆湯用茶壺裝住嘅蜆湯，茶壺蓋上反轉放咗個小杯，這就是懷石料理，精緻嘅料理，加上有設計嘅裝飾器皿，蜆湯非常鮮味，入邊仲有菇同好大嘅蜆肉。北海道鮑魚 鮑魚脆身
北斗主要由渡邊師傅主理，lunch dinner都可以見到渡邊師傅，日本人係有一種對工作嘅熱誠哈哈。渡邊師傅話佢自己嚟咗香港37年 ，廣東話識聽，講得算係咁，渡邊師傅講嘢都幾好笑。
北斗唔係omakase，係懷石料理，師傅多次強調omakase同懷石料理嘅分別，懷石料理係類似法國fine dining，師傅係除咗新鮮食材之外，仲會design每一道菜嘅presentation，注重空間感，其實入去睇都裝修，你就會知道佢哋係好用心去design整個空間，視覺味覺空間整個嘅感受。
螢光魷魚 平貝
燒過嘅平貝，口感煙韌肉質結實，貝類嘅鮮味會留喺口腔好一段時間，平貝係每日日本新鮮運到，而家當造，四月後就無，師傅開平貝嘅時候仲專登俾我哋影咗張相打卡，非常貼心。螢光魷魚，加上紫蘇花，非常refresh，一道前菜就已經令你驚喜非常。
蜆湯
用茶壺裝住嘅蜆湯，茶壺蓋上反轉放咗個小杯，這就是懷石料理，精緻嘅料理，加上有設計嘅裝飾器皿，蜆湯非常鮮味，入邊仲有菇同好大嘅蜆肉。
北海道鮑魚
鮑魚脆身，肉質邊部比較硬，咬落去好似係咬緊軟骨咁，好特別。鮑魚用檸檬香調味，師傅教不用點醬，可以就咁食，食得出鮑魚嘅鮮味。
深海池魚
深海池魚，喺冬天嘅時候喺水底比較深嘅地方遊走，於是乎為咗保暖身體會自動積存左多嘅脂肪，所以同普通池魚比，深海嘅池魚特別肥美，同樣魚質鮮嫩，鮮味在口腔久久未能散，非常之咁滿足。
赤陸魚 燒
肥美油香，燒過嘅赤陸魚，外層有火炙嘅香味，一啖放喺口，魚嘅油分甘香慢慢滲出， amazing。
大toro
從來未食過大toro，係真係可以咬落去嘅時候啲油滴到成隻手都係，點解可以咁厲害，一定要黎食呢個大拖羅，敢寫包單，一定係會令你非常surprise。
生蠔三點 柚子啫喱 海膽三文魚子
一啖食晒所有嘢，生蠔好肥美，加上卜卜脆嘅三文魚子再混和海膽嘅鮮味同埋柚子啫喱嘅淡淡清新，忍唔住閉上眼感受。
京都茄子
開始去到串楊，首先第一道係京都茄子，師傅將茄子上介上細格的紋路， 蒲上一層薄薄的麵包糠再炸，攤凍咗再咬落去，茄子嘅汁同熱氣滲出，加上外層薄薄嘅麵包糠脆，好好食呀！
北海道帆立貝
一梳梳嘅帆立貝肉質，超級正！
子寺昆布 希靈魚
師傅介紹只是昆布係一種用獨特方式天然製成嘅食物，係希靈魚魚春夾住中間昆布，咬落去嘅時候，卜卜脆嘅魚春中間有一層昆布，好難想像係天然製成，但係又真係咁樣做。
唐辛子
唐辛子係一種好特別嘅辣椒，之前食過都係細細條，今次係同平時酒樓釀青椒嘅size差不多，又係加上薄薄嘅麵包糠， Juicy清新美味。
海墨魚 穴子
甜甜的類似鰻魚嘅質感
燒大蝦
芝士燒大蝦，離遠已經聞到燒烤嘅香味
明太子茶漬飯
最後仲有個飯，一層用紫菜貼上嘅明太子，加上茶漬飯，喺甜品前嘅滿足
靜岡密瓜
甜品係靜岡哈密瓜，最Perfect嘅完結。
美滿驚喜一定會再嚟食，十分之正的懷石料理！
張貼
