影片
更多
2021-09-10
51 瀏覽
朋友話好耐冇食過燒肉，於就提議趁放工去食吓銅鑼灣既喜來稀肉，舖頭門口同入面啲裝修好有韓國feel。入到去會有啲前菜食吓。之後就正式黎燒肉。牛肉方面叫咗喜來烤肉，廚師將牛肉片放到玫瑰咁送上黎，外形好特別，由於切到好薄，所以燒一陣就可以食。我地仲叫咗特級牛頸，上黎見到啲雪花好靚，燒完之後都好大舊，可能燒得耐左既關係覺得有少少韌。而不得不提既係喜來五花肉配特製醬汁，用生菜包住食完第一啖之後發現有驚喜，相信個豬肉有特製醬汁醃咗好耐，所以食落去甜甜地又有豬既香味，燒過既豬肉表面好香口，連埋生菜食又多一層好fresh既口感，所以真係好好味。最後仲叫咗份蔘雞湯，見到真係有全隻雞仔係度，都足料既，而且雞入面有糯米飯，但就搵唔到枝蔘，不過味道都已經好味。走人果時仲可以每人拎條雪條食，食完真係好滿足。
入到去會有啲前菜食吓。
之後就正式黎燒肉。
牛肉方面叫咗喜來烤肉，廚師將牛肉片放到玫瑰咁送上黎，外形好特別，由於切到好薄，所以燒一陣就可以食。
我地仲叫咗特級牛頸，上黎見到啲雪花好靚，燒完之後都好大舊，可能燒得耐左既關係覺得有少少韌。
而不得不提既係喜來五花肉配特製醬汁，用生菜包住食完第一啖之後發現有驚喜，相信個豬肉有特製醬汁醃咗好耐，所以食落去甜甜地又有豬既香味，燒過既豬肉表面好香口，連埋生菜食又多一層好fresh既口感，所以真係好好味。
最後仲叫咗份蔘雞湯，見到真係有全隻雞仔係度，都足料既，而且雞入面有糯米飯，但就搵唔到枝蔘，不過味道都已經好味。
走人果時仲可以每人拎條雪條食，食完真係好滿足。
張貼
