夏麵館 (寶石大廈) (已結業)

夏麵館比我嘅印象係除咗知道佢係上海菜嘅連鎖店，其他就一無所知。係屋企附近有一間，適逢呢一晚唔煮飯，就隨意選擇左去呢度用餐.平日嘅夜晚人唔算好多，大概只有六七台客人；裏面嘅環境比我想像中裝修得靚，帶有中國風之餘又不失親民。除咗有單點，都有供應晚市套餐；而單點食物唔貴，當然食物份量唔係我哋預期咁細份，呢個性價比極高嘅價錢就釀成唔小心叫多左嘅意外.五小碟 $103前菜冷盤我哋揀咗五小碟，除咗因為可以縮小範圍唔使選擇困難點邊款小食，亦都係因為覺得佢價錢親民，除開每款$20左右；我地點左：蒜香四季豆、四喜烤夫、美味海蜇、虎皮素鴨同埋糖醋排骨。當中我最鍾意嘅係四喜烤夫，一個好少地方有得食嘅傳統上海小食，個汁酸酸甜甜，烤夫吸晒汁嘅精華，冬菇醃得入味；糖醋排骨都係我鍾意嘅，肉質軟腍，開胃！.蟹粉小籠包 (2隻) $38蟹當做嘅季節佢哋有各款蟹嘅食品，因為只係同朋友，我哋叫唔到咁多，所以就淨係叫咗兩隻蟹粉小籠包。皮薄多汁，唔會話好重蟹粉味，但包汁濃郁，呢個價錢實屬性價比高！.三鮮煨麵 $58我會話係三人份量，唔單止麵底多，配料都唔弱；當中雞絲係值得稱讚，好香好滑；金華火腿更加令到湯底味濃；奶白色嘅湯底充