橋香園雲南過橋米線

營業中

休息中

訂咗外賣自取，去到餐廳門口同馬尾阿姐講號碼，阿姐望咗眼，我以為佢會幫我睇出咗餐未，點知佢問我後面、遲過我嚟嘅兩位西裝男士幾位，都算，我理解午飯時間忙。呢個時間阿姐同事拎餐出嚟，個餐唔係我嘅，佢同事仲甩手，成杯奶茶跌落地，濺到我件白衫都係，但馬尾阿姐只係問我後面嘅西裝男士有冇事，要唔要送可樂，完全當我透明。我睇得出阿姐無幫我跟餐，於是我今次遞埋個電話響佢面前俾佢睇號碼，問佢得未，佢望咗眼，再望下我，然後擰轉頭繼續做其他野，完全唔諗住答我，我唔知點解佢要咁無視人。最後我唯有自己響門口個箱睇吓有冇自己個餐，搵到就走人。小事一件，但感受太差。雖然唔期望呢啲小店會有咩服務，但態度都唔好衰到咁，幾好食都唔會再幫襯。