叉燒大王

營業中

休息中

見到叉燒大王咁霸氣既名，味道應該有咁上下先有勇氣用呢個名黎營業。吸引之處：1. 例牌既叉燒都多過人。係王者的風範。叉燒厚切。食到好多水份。燒得靚既叉燒，側邊唔會有好多黑色既燒焦粒。但又要燒得出邊少少乾，入邊水份多。呢個叉燒就係達到以上要求。燒得好靚，味道正宗。蜜汁既甜味又唔會太搶叉燒既味道。好高水準既叉燒。2. 原本想叫個清炒通菜。但見到有石窩通菜，就睇下有乜特別。石窩既鍋氣特別大。通菜keep住好熱好過癮。因為用豬油同蝦醬黎炒過，擺落熱既石窩味道更加特出。好似好普通既炒菜，但擺係石窩又係另外一種味道，好有鍋氣既菜色。3. 雞汁水鬼重，第一次聽。原來佢個招牌豆腐。豆腐味道香滑。雞汁唔太鹹，菜色好清香又少少濃味。中間有餡，好似釀豆腐，但口感再滑啲。下邊有火keep住佢個熱度。所以每一塊都夠熱，呢碟菜色幾有創意。整體黎講，叉燒燒得靚，其他小菜都整得有水準，好值得食。