影片
更多
2024-06-19
673 瀏覽
從來我只睇人寫食評，今次不得不獻出第一次。老婆生日想食椒鹽粟米，上網搵下原來附近呢間餐廳有，早一日訂左位。今日準時入座，環境未算豪華闊落，但乾淨企理，而且有種民間小店既親和力。一坐低肥姐姐過黎招呼，知道我地第一次黎，非常用心講解落單程序、熱門配料、特色小食，見我地有小朋友，就介紹小朋友食「兒童樂園餐」，我以為佢講緊爛gag，點知原來真係有為左唔食得辣既小朋友而設既兒童餐（烏東麵），咁大人就可以食香辣雞煲，貼心程度感覺非常良好。先上一碟椒鹽粟米做小食，椒鹽味夠突出，有點香辣，老婆都讚好食，三個人食一碟都好似唔夠喉，真心推介。因為小朋友都想食雞煲，所以最後都係叫左唔辣雞煲，當然無咁惹味，但食得出雞煲有用心調味，唔太咸，反而食到尾段會有甜味。食完雞煲就加湯打邊爐，因為個雞煲份量都好足，所以只叫了一般配料，不過不失。每枱都必點一人一杯特大凍檸茶/檸樂，而且坐無虛席，基本上平日都要預早訂位，眼見幾枱客直接Walk in都係無功而返。特別表揚肥姐姐，打邊爐其間會過黎同你用隔網隔走湯面既殘渣，今時今日係香港都好難遇到咁既服務態度，又講解點餐流程又會埋枱服侍，最後埋單$920，三大一小，價錢正常，但食
今日準時入座，環境未算豪華闊落，但乾淨企理，而且有種民間小店既親和力。
一坐低肥姐姐過黎招呼，知道我地第一次黎，非常用心講解落單程序、熱門配料、特色小食，見我地有小朋友，就介紹小朋友食「兒童樂園餐」，我以為佢講緊爛gag，點知原來真係有為左唔食得辣既小朋友而設既兒童餐（烏東麵），咁大人就可以食香辣雞煲，貼心程度感覺非常良好。
先上一碟椒鹽粟米做小食，椒鹽味夠突出，有點香辣，老婆都讚好食，三個人食一碟都好似唔夠喉，真心推介。
因為小朋友都想食雞煲，所以最後都係叫左唔辣雞煲，當然無咁惹味，但食得出雞煲有用心調味，唔太咸，反而食到尾段會有甜味。
食完雞煲就加湯打邊爐，因為個雞煲份量都好足，所以只叫了一般配料，不過不失。
每枱都必點一人一杯特大凍檸茶/檸樂，而且坐無虛席，基本上平日都要預早訂位，眼見幾枱客直接Walk in都係無功而返。
特別表揚肥姐姐，打邊爐其間會過黎同你用隔網隔走湯面既殘渣，今時今日係香港都好難遇到咁既服務態度，又講解點餐流程又會埋枱服侍，最後埋單$920，三大一小，價錢正常，但食得開心。
如果老闆有睇到呢篇食評，真係要獎賞呢間舖頭既員工，好耐無試過係香港食飯有咁既服務態度，見到香港飲食業既希望（好似誇張左，但由心而發）
張貼