勝記海鮮酒家

營業中

休息中

今次係朋友介紹先到西貢街市買了海鮮，然後送過來加工處理的（不過加工費可能貴過買海鮮），呢間比較老實，唔會換咗你啲海鮮，基本上全部嘢都好好味。米芝蓮椒鹽鮑魚，一定要試，外脆內軟。墨魚餅🐙炸得香脆不油，但個金磚豆腐就有的失望，本人覚得除了脆無乜味。條班🐟蒸得岩岩好，食落好滑，蟶子又炒得勁入味，又爽滑加埋隻鹽油焗奄仔🦀又大隻又多膏，咁大個人都未買過咁大隻奄仔🦀真係無得輸。我雖然鐘意食辣，但都覺呢個花螺辣咗啲，食咗2隻試下就算。瀨尿蝦🦐都勁大隻，朋友話好鮮甜，不過我麻麻地🦐，所以覺得無乜特別。仲有個清酒煮蜆，真係鮮甜到不得了。炸子雞🐔，望落好似唔錯，朋友們話炸得很脆，但由於已經太飽，所以我無食。朋友話呢度豉油皇炒麵好出名，叫咗碟，真係幾好味，平時啲炒麵勁多油，呢個又唔覺。唯一唔得係個扇貝，仲細隻過平時買返屋企自己整嘅，唔知係本身扇貝太細隻唔得定蒸耐咗，食落唔夠滑，又無乜鮮味。