影片
更多
2021-03-10
1233 瀏覽
會揀呢一間餐廳都係因為想用埋海港城啲coupon。 不得不說呢個令你不斷使錢嘅 marketing非常成功😂😂。 餐廳位置喺海港城最最最裏面， 係lcx嘅最裏面， 望海景都唔錯。 不過當日餐廳安排我哋坐二人枱， 其實都唔多人， 不過侍應話要四人先可以坐窗邊， 有啲美中不足。 Book位嘅時候已經問咗佢lunch set 可唔可以用coupon， 佢哋lunch set唔可以用不過散叫其他嘢就可以。 所以我哋今次叫咗一個lunch set再加半隻片皮鴨share。 覺得lunch set冇乜嘢特別， 連相都唔記得影。 不過今次嚟呢度嘅重點係片皮鴨，所以等我介紹一下！！ 好多主打食片皮鴨嘅餐廳， 都會見到師傅喺大廳度片鴨， 呢度都唔例外， 不過個師傅企得非常遠， 咁呢樣我哋都理解。 但係當個師傅開始片我哋隻鴨嘅時候，其實完全冇人同我哋介紹。 片完師傅默默地拎走個鴨殼嘅時候，我嗰碟鴨一直放喺佢嗰張枱度。 我諗大概放咗都兩三分鐘先有人過去拎啲鴨過嚟。 兩三分鐘其實唔太耐， 不過片皮鴨半身就好快凍同變乾。 同埋師傅片咗鴨咁耐， 點解會冇一個侍應可以反應快啲做準備。 呢一點都幾失望。 另外有一個夾
餐廳位置喺海港城最最最裏面， 係lcx嘅最裏面， 望海景都唔錯。 不過當日餐廳安排我哋坐二人枱， 其實都唔多人， 不過侍應話要四人先可以坐窗邊， 有啲美中不足。
Book位嘅時候已經問咗佢lunch set 可唔可以用coupon， 佢哋lunch set唔可以用不過散叫其他嘢就可以。 所以我哋今次叫咗一個lunch set再加半隻片皮鴨share。 覺得lunch set冇乜嘢特別， 連相都唔記得影。 不過今次嚟呢度嘅重點係片皮鴨，所以等我介紹一下！！
好多主打食片皮鴨嘅餐廳， 都會見到師傅喺大廳度片鴨， 呢度都唔例外， 不過個師傅企得非常遠， 咁呢樣我哋都理解。 但係當個師傅開始片我哋隻鴨嘅時候，其實完全冇人同我哋介紹。 片完師傅默默地拎走個鴨殼嘅時候，我嗰碟鴨一直放喺佢嗰張枱度。 我諗大概放咗都兩三分鐘先有人過去拎啲鴨過嚟。 兩三分鐘其實唔太耐， 不過片皮鴨半身就好快凍同變乾。 同埋師傅片咗鴨咁耐， 點解會冇一個侍應可以反應快啲做準備。 呢一點都幾失望。
另外有一個夾鴨嘅拼盤， 除咗傳統嘅京蔥青瓜同埋甜酸醬之外。 呢個盤仲多咗山楂， 同埋其他果醬。 不過個人都係覺得傳統嘅最好食， 所以新嘅試咗一兩嚿就冇再掂過。
總括嚟講餐廳都坐得幾舒服環境幾靜， 如果要見客食個lunch都係好選擇， 不過如果係想食片皮鴨就唔推介lu。
50 瀏覽
0 讚好
0 留言
張貼
