影片
更多
2021-09-01
625 瀏覽
呢間餐廳打極電話都唔通，撞彩walk-in，第二次就成功了~今次嗌左個 “二人晚市套餐$1188 送2杯紅酒”.馳名烤鴨 (半隻)片皮鴨有師傅係遠處即場片烤鴨有兩款唔同嘅食法，分別係中式同新創食法中式: 加京蔥、青瓜同烤鴨醬，薄薄嘅麵皮包住鴨肉一齊食，味道不過不失新式: 加爆炸糖、藍莓醬同洋蔥絲，味道好特別，出乎地好夾幾好食另外，八寶盒仲有紅莓醬、芥末醬、山楂、紅蘿蔔片皮鴨份量偏少，但就好多塊皮，鴨肉肥膩偏油，本人幾鍾意好味指數： 8/10.磯煮飽魚 (2位)冰鎖飽魚食法，飽魚質感好彈牙入味，入口有秘製醬汁既鹹香味伴隨住鮑魚既鮮味，推介~好味指數： 8.5/10.黃扒魚肚 (2位)以好吉既南瓜汁做湯底再加好厚身嘅魚肚，魚肚煮到好腍身，味道不過不失，感覺好有益好高貴好味指數： 6/10.張氏獅子頭 (2位)獅子頭同飯係分開上，飯係得一啖，哭笑不得獅子頭醬汁太咸，肉質好淋，完全無口感，都幾難食好味指數： 2/10.芝士牛油焗大蝦好普通既一道菜，蝦係幾鮮甜，但無芝士牛油味，感覺唔太突出好味指數： 6/10.瑤柱上湯浸時菜瑤柱比例比想像中多，清清地成道菜淡口啲，作為過渡菜都唔錯好味指數： 7/
今次嗌左個 “二人晚市套餐$1188 送2杯紅酒”
.
馳名烤鴨 (半隻)
片皮鴨有師傅係遠處即場片
烤鴨有兩款唔同嘅食法，分別係中式同新創食法
中式: 加京蔥、青瓜同烤鴨醬，薄薄嘅麵皮包住鴨肉一齊食，味道不過不失
新式: 加爆炸糖、藍莓醬同洋蔥絲，味道好特別，出乎地好夾幾好食
另外，八寶盒仲有紅莓醬、芥末醬、山楂、紅蘿蔔
片皮鴨份量偏少，但就好多塊皮，鴨肉肥膩偏油，本人幾鍾意
好味指數： 8/10
.
磯煮飽魚 (2位)
冰鎖飽魚食法，飽魚質感好彈牙入味，入口有秘製醬汁既鹹香味伴隨住鮑魚既鮮味，推介~
好味指數： 8.5/10
.
黃扒魚肚 (2位)
以好吉既南瓜汁做湯底再加好厚身嘅魚肚，魚肚煮到好腍身，味道不過不失，感覺好有益好高貴
好味指數： 6/10
.
張氏獅子頭 (2位)
獅子頭同飯係分開上，飯係得一啖，哭笑不得
獅子頭醬汁太咸，肉質好淋，完全無口感，都幾難食
好味指數： 2/10
.
芝士牛油焗大蝦
好普通既一道菜，蝦係幾鮮甜，但無芝士牛油味，感覺唔太突出
好味指數： 6/10
.
瑤柱上湯浸時菜
瑤柱比例比想像中多，清清地成道菜淡口啲，作為過渡菜都唔錯
好味指數： 7/10
.
蝦湯海皇泡飯 (2位)
湯鮮甜順口，但蝦味唔係好出，飯質不過不失，但整體都唔錯
好味指數： 6.5/10
.
紫薯燕窩蒸蛋白 (2位)
蒸蛋白入口即溶，紫薯同燕窩香甜，呢個甜品為成餐飯畫上完美句號，甚至係加分
好味指數： 8.5/10
.
茶只係普通餐茶，有啲澀口，但可以中和片皮鴨嘅油膩感
送嘅紅酒就真係feel到百佳60蚊支嗰啲，就不予置評了，反正都係送~
.
- 整體評分 -
環境 : 8.5/10 (有海景有裝修，加分!)
味道 : 7/10
抵食 : 6.5/10 (有茶錢、加一服務費)
P.S. 有海港城coupon不妨去試試
10 瀏覽
0 讚好
0 留言
張貼
