影片
更多
2021-09-21
938 瀏覽
第一次嚟呢度食嘢，佢就說服到我點解我一世都唔應該再踏入呢間餐廳啦🤗真係唔上openrice都唔知原來佢地服務態度一向都咁極品😊所以決定寫食評嚟比大家睇下佢地員工有幾威威😉攞嚟練EQ就最啱啦🙂 今日同屋企人享呢間嘢食lunch，叫咗個飯同個水煮田雞。我地唔肯定跟餐汽水點計，就問啲伙記可以攞幾多罐嘢飲啦，當時佢地係噉樣回應嘅：第一個伙記：我唔肯定喎，要問吓大姐先第二個伙記：（望咗眼我地枱上嘅碟頭飯同水煮田雞）兩個餐咪兩罐囉！好，噉我地咪攞咗兩罐嘢飲囉。點知食完去比錢嘅時候，發現除咗碟頭飯同水煮田雞之外仲有10蚊汽水錢喎。所以我地咪問一句：乜唔係跟餐包嘅咩？我地明明問咗伙記話我地有兩罐汽水🤔。跟住嚟料啦：個Cashier 不停爆晒粗噉鬧我地話邊有可能一個餐有兩罐嘢飲（但我地從來都冇講過我地覺得一個餐有兩罐🙄我地係惗住穩陣起見問店員我地噉樣叫可以攞1罐定2罐，結果中伏🙃）就算我地解釋咗話係問伙記嘅時候伙記噉講，個Cashier唔單止係不停噉繼續鬧我地，仲扭曲我地嘅意思，完全無惗住聽我地講嘢，只想靠聲大夾惡嚟鬧爆、冤枉我地。噉最後係點樣收場呢？我地話：我地唔介意比埋嗰10蚊汽水錢，不過你道歉先，
[事發經過]
今日同屋企人享呢間嘢食lunch，叫咗個飯同個水煮田雞。我地唔肯定跟餐汽水點計，就問啲伙記可以攞幾多罐嘢飲啦，當時佢地係噉樣回應嘅：
第一個伙記：我唔肯定喎，要問吓大姐先
第二個伙記：（望咗眼我地枱上嘅碟頭飯同水煮田雞）兩個餐咪兩罐囉！
好，噉我地咪攞咗兩罐嘢飲囉。點知食完去比錢嘅時候，發現除咗碟頭飯同水煮田雞之外仲有10蚊汽水錢喎。所以我地咪問一句：乜唔係跟餐包嘅咩？我地明明問咗伙記話我地有兩罐汽水🤔。跟住嚟料啦：個Cashier 不停爆晒粗噉鬧我地話邊有可能一個餐有兩罐嘢飲（但我地從來都冇講過我地覺得一個餐有兩罐🙄我地係惗住穩陣起見問店員我地噉樣叫可以攞1罐定2罐，結果中伏🙃）就算我地解釋咗話係問伙記嘅時候伙記噉講，個Cashier唔單止係不停噉繼續鬧我地，仲扭曲我地嘅意思，完全無惗住聽我地講嘢，只想靠聲大夾惡嚟鬧爆、冤枉我地。
噉最後係點樣收場呢？我地話：我地唔介意比埋嗰10蚊汽水錢，不過你道歉先，因為你地誤導咗我地。之後個Cashier大爆發仲除！埋！口！罩！噉話：道咩歉呀！我宜家唔_收你嗰10蚊呀！睇清楚呀，冇收你嗰10蚊呀！
.
［結論］
服務態度：簡直就係全東涌No. 1🤗👍店員永遠是對的😉個客有問題想問？爆粗鬧咗先啦，反正一定係個客錯😊
環境：大排檔衛生程度一般都預咗。
食物：普通碟頭飯，份量多。所謂水煮田雞，食落似係用火鍋底料做湯底，啲菜超老。整體食偏鹹。不過我同我屋企人食完番到屋企後都有啲肚痛🙈自行決定呢間嘢值唔值得你去嘗試啦。如果係惗住去嘅，祝你好運💪🏻
張貼