Add Some Thai Restaurant

營業中

休息中

好快我就知道，嚟呢到食野就係浪費生命。過百元的午餐選擇，喺觀塘黎講都頗為昂貴。儘管跟餐有「是日精選沙律吧」，也不過是尋常的沙律配料，聊勝於無。我同侍應講我要盛惠118元的泰式BBQ牛扒，佢居然無問想要幾成熟就草草了事，嗰刻我已經心知不妙：食牛扒不講生熟度，就好似髮型師唔問你想點就落手剪，開始嗰下已經註定剪衰左。果然，最後既成品就係一場災難。從外表睇都知塊牛扒受熱不均，其中一邊可以輕鬆切開，呈粉紅色牛肉尚算可以入口。但另一邊就極之煙韌，噍起黎又乾又柴，唔講以為自己誤食擦紙膠，即席吐左出黎。如果用兩個字總結，我會話Well Done，係熟度 Well Done。平心而論，同行友人叫左既羊扒同黃咖喱牛筋牛肋條飯都不過不失，但唯獨佢既牛扒突破左我對泰國美食既想像，寧願餓住走都唔想對唔住自己個胃。你嗰一個鐘食飯時間好寶貴，唔好黎呢到浪費你，侍應，同隻牛既生命。