影片
更多
2025-05-15
73 瀏覽
最近去左我想試好耐既四季椰林海南椰子雞，呢間店係深圳好出名，近年BB出世之後都無時間上深圳，好彩依家香港都有得食，仲開咗係旺角Moko，超級方便✌🏻餐廳裝修光猛，闊落，舒適，打邊爐既時候只見到鍋而見唔到個爐，爐都收埋咗係檯底，好特別，一坐低，店員就送上一壺雲南高山綠茶，入口清香回咁，招呼周到，值得一讚👏🏻招牌必點二人餐（$458）我地揀左個招牌必點二人餐，呢個價錢已經包咗湯底，半隻海南文昌雞，竹笙，雙拼丸，響鈴，娃娃菜，仲有金牌臘味飯，絕對係抵食之選🤩湯底係用四個椰子，不加一滴水煲，隻雞係選用森林放養海南文昌雞，店員俾咗一個漏斗我哋，等漏斗流完，就可以打開蓋飲湯同食雞，時間計算得剛剛好，雞既肉質嫩滑有彈性，非常之新鮮，雞味濃郁，椰子雞湯好清甜，我一連飲咗幾碗🥥🐥雙拼丸選用了潮州魚蛋同埋牛丸，魚蛋味道濃郁，牛丸爆汁，兩款都好彈牙，而且份量都唔細，有八粒🍢竹笙，響鈴同娃娃菜係最強既配搭，吸收晒椰子湯嘅精華，好清甜，再點埋餐廳既靈魂醬汁，好食到唔停得口，所謂既靈魂醬汁係有沙薑、青橘子、指天椒、豉油組成，看似很簡單，但呢個醬汁係我食過打邊爐最好味嘅醬汁之一，所有配料點咗呢個醬汁都提升咗食物本身
餐廳裝修光猛，闊落，舒適，打邊爐既時候只見到鍋而見唔到個爐，爐都收埋咗係檯底，好特別，一坐低，店員就送上一壺雲南高山綠茶，入口清香回咁，招呼周到，值得一讚👏🏻
招牌必點二人餐（$458）
我地揀左個招牌必點二人餐，呢個價錢已經包咗湯底，半隻海南文昌雞，竹笙，雙拼丸，響鈴，娃娃菜，仲有金牌臘味飯，絕對係抵食之選🤩
湯底係用四個椰子，不加一滴水煲，隻雞係選用森林放養海南文昌雞，店員俾咗一個漏斗我哋，等漏斗流完，就可以打開蓋飲湯同食雞，時間計算得剛剛好，雞既肉質嫩滑有彈性，非常之新鮮，雞味濃郁，椰子雞湯好清甜，我一連飲咗幾碗🥥🐥
雙拼丸選用了潮州魚蛋同埋牛丸，魚蛋味道濃郁，牛丸爆汁，兩款都好彈牙，而且份量都唔細，有八粒🍢
竹笙，響鈴同娃娃菜係最強既配搭，吸收晒椰子湯嘅精華，好清甜，再點埋餐廳既靈魂醬汁，好食到唔停得口，所謂既靈魂醬汁係有沙薑、青橘子、指天椒、豉油組成，看似很簡單，但呢個醬汁係我食過打邊爐最好味嘅醬汁之一，所有配料點咗呢個醬汁都提升咗食物本身嘅味道😍
金牌臘味煲仔飯份量亦都相當大份，店員煮好會幫我地裝飯，有兩大碗普通臘味飯再加一碗係飯焦，配料有臘腸臘肉和芋頭，臘腸同臘肉好惹味，芋頭煮到鬆化，飯焦好脆口🍚
我同朋友食完都覺得好飽好滿足，食完好快就翻到屋企照顧BB，唔使特頓上深圳過關先有得食，非常好😛
張貼
