岳川串揚

營業中

休息中

中午時分，餐廳人流唔多，估計做晚市為主。 座位有廿個左右，唔使等位就可以入席。 午市套餐70蚊起跳， 大概有六七款可供選擇，定食都可以加錢轉做烏冬。餐廳設QR code自行落單，點餐前要再三核對套餐有冇預設加配其他食品。我要咗一份照燒雞扒烏冬， 跟餐送咗一碗麵豉湯同埋車厘茄沙律。雞扒外皮香脆，肉質尚算嫰滑，屬中上之作。烏冬彈牙，湯底唔會過鹹。整體不俗。依加餐廳仲做緊promotion，惠顧滿十個餐，就送一份價值80元以下嘅午餐，都唔錯。