影片
更多
2023-11-20
154 瀏覽
向OpenRice見評語同食物相幾好就試下。一入門口，一名女店員企向大門斜對面的廚房門外，我哋手勢示意幾多位，女店員望住我哋無表情，無講嘢，無動作！再示意，佢都淨係望住，其間有望下工作中嘅男店員。見佢無返應我哋就自己坐低，枱上面已有手機落單紙。落單後分別有男店員及女店員埋枱上餐，兩名店員都係無表情，無聲地放低食物。手機落單可以選擇甜品後上，當我哋想叫店員上甜品時，舉手想叫店員埋嚟同佢講，點知店員企向原位遠望我哋，又係望住無表情，唔講嘢！我哋唯有離遠同佢講可以上埋甜品！用餐期間有觀察其他入餐廳嘅客人，有啲自己直接去吉枱坐，都有家庭自己拎枱面餐牌睇完企向到示意幾多位，不過女店員望住無反應！男店員咁啱經過，客人再講幾多位後，男店員先話隨便坐得喇！兩名店員對話時見佢哋係識笑，不過有客入嚟都會一齊收起笑容無表情！食物方面味道同份量ok，不過普遍較辣同撈檬嘅汁比大多數越南餐廳的較重蒜同辣味重。甜品芒味西米配雪糕，除咗粒粒芒果，整碗略欠芒果味！用餐時真心覺得老闆可以考慮買部餐車送餐，同整返部自助點餐機收埋錢。食完俾錢時男店員應該聽緊外賣電話，我哋就等佢完成後收錢。期間都等幾分鐘，女店員有埋收銀櫃檯企
一入門口，一名女店員企向大門斜對面的廚房門外，我哋手勢示意幾多位，女店員望住我哋無表情，無講嘢，無動作！再示意，佢都淨係望住，其間有望下工作中嘅男店員。
見佢無返應我哋就自己坐低，枱上面已有手機落單紙。落單後分別有男店員及女店員埋枱上餐，兩名店員都係無表情，無聲地放低食物。手機落單可以選擇甜品後上，當我哋想叫店員上甜品時，舉手想叫店員埋嚟同佢講，點知店員企向原位遠望我哋，又係望住無表情，唔講嘢！我哋唯有離遠同佢講可以上埋甜品！
用餐期間有觀察其他入餐廳嘅客人，有啲自己直接去吉枱坐，都有家庭自己拎枱面餐牌睇完企向到示意幾多位，不過女店員望住無反應！男店員咁啱經過，客人再講幾多位後，男店員先話隨便坐得喇！
兩名店員對話時見佢哋係識笑，不過有客入嚟都會一齊收起笑容無表情！
食物方面味道同份量ok，不過普遍較辣同撈檬嘅汁比大多數越南餐廳的較重蒜同辣味重。
甜品芒味西米配雪糕，除咗粒粒芒果，整碗略欠芒果味！
用餐時真心覺得老闆可以考慮買部餐車送餐，同整返部自助點餐機收埋錢。
食完俾錢時男店員應該聽緊外賣電話，我哋就等佢完成後收錢。期間都等幾分鐘，女店員有埋收銀櫃檯企完行開，男店員聽聽下電話入咗廚房再繼續聽電話。忙唔緊要，不過中途完全無眼神交流，無講唔好意思，無講要等一下。
張貼
