君子餐廳

營業中

休息中

仲記得COVID嗰陣同老公去staycation，喺北角匯嘅Hyatt Centric酒店，無邊泳池加東區走廊嘅靚海景真係打卡必到！而家唔使住酒店都一樣有得chill，因為北角匯二期呢間西餐廳嘅戶外景觀同樣望到超醉人嘅日落海景，配上平易近人嘅fine dining價位，簡直係我同老公嘅心頭好！一邊鋸扒一邊食靚海鮮，望住海景回味我哋一齊嘅甜蜜回憶，perfect！第一次嚟，望住menu真係乜都想試，但兩公婆點樣都食唔晒咁多嘢，於是揀咗二人晚餐套餐。我原本點咗French Beef Tartare，諗住俾鍾意食牛嘅老公試試，點知佢話只鍾意五成熟牛扒或者打邊爐肥牛，結果佢竟然拎咗我嘅法式白酒煮青口！更誇張係，佢食到津津有味，幾乎清晒啲青口，仲話今次唔食A5和牛都咁滿足，笑死我！主菜我哋繼續海鮮路線，叫咗磨菇汁蜆扁意粉同焗法國爐魚伴蜆肉忌廉汁，蜆多到不得了，老公真係一個都唔放過，食到好開心！Btw，平時有啲怕食牛會敏感嘅我，今次為咗刺身牛同牛肉他他冒咗個險，點知真係大愛！入口即溶嘅牛肉他他，加埋脆卜卜嘅包，配上東區走廊嘅無敵海景，值到爆！😂😂😂