阿叔泰麵 (積信街) (已結業)

下雨天，灰濛濛，想心情有個轉換，大概要搵間有特色既小店😌位處角落既呢間小店，顏色鮮艷，自然吸睛🧡🧡🧡俾個機會，投入泰文歌既世界😂餐廳裝潢別具心思，一幅幅巨型壁畫，掛在橫樑的泰拳boxers，古泰國風紙傘，加埋檯上五顏六色既筷子，視覺上充滿衝擊，確實會令人心情輕快🧡牛肉船麵- 新鮮牛骨湯配牛腩及牛丸，附有芽菜、通菜、花生碎及炸豬皮；餐廳提供小tips：識食一定要加四大調味- 魚露、白糖、白醋、辣椒粉。一上檯，香味撲鼻。即刻試啖湯，很重藥材味。牛腩入味夠腍，份量超多，食極都有🤩牛丸欠缺牛味，唔講以為係豬肉丸😕炸豬皮香口，浸湯唔浸湯都好食😁金邊粉浸極都略厭偏硬身，始終食唔到泰國街邊檔果種風味🥲一試加四大調味，口味略厭太重，但不得不讚個辣椒粉好香口😋菜既份量偏少，未能成功中和油膩感，多加一份菜會更好😌泰式椰子雞湯麵- 配有雞肉、雜菇、車厘茄。理想中會係超香濃椰香，但事實上口味有d似青咖喱湯。雞肉清一色雞胸瘦肉，鞋口、淡而無味。雜菇只有零丁幾粒，完全食唔出菇味。幸而有香香辣椒粉，加完碗麵即刻加分🤩午市套餐附送飲品，可選凍泰式檸檬茶、凍蜂蜜菊花露及熱青檸蜜。由於寒冷天氣警告現正生效，我地都唔搵命搏