花圖 (已結業)

呢餐中式點心真係令人好驚喜，款款都水準極高。海蝦蝦餃晶瑩剔透，蝦肉爽彈又鮮甜，一咬爆汁；北菇蟹皇燒賣香氣濃郁，蟹皇同冬菇完美融合，層次豐富口感彈牙。藥膳小籠包更加出色，湯汁飽滿，藥材味溫潤不苦，暖胃又滋味。野菜鮮蝦腐皮卷炸得金黃香脆，內餡蝦肉鮮甜、野菜清新，口感好有層次。翡翠鮮帶子腸粉滑溜又爽口，帶子夠鮮。唯一美中不足就係個茶落錯單, 我要白毫，佢比左伯爵茶我， 整體來講，每款都做到精緻又有心思，而且下午茶時段所以點心係半價，都係埋單先知，值得再訪！另外一提，下次會想試lunch set😎