影片
更多
2023-10-03
1131 瀏覽
真係放題食上引，三高已靠近下午經過北角滙，本身只係為左去一田買晚餐回家，點知發現肚仔餓餓地，走上走落，見到牛牛有個午餐放題，心諗午市放題聽就聽得多，食就真係冇想像過，但百零蚊就ok，咁就一於試下個美國牛放題😂😂😂😂😂由於想食海鮮，一問最底要求都要4百多既套餐先有，所以只好叫左山椒味噌鍋（因為見到圖示有八爪魚）😂😂😂真係櫈都未坐暖就已經上鍋，由於得一小時任食，當然立即出去自助區攞野食主要分左野菜，雜丸，汽水茶，雪糕4大區。但真心相當普通，可能同價格掛鉤所以好難有驚喜，但值得推介既係佢有咖哩同飯，搞笑既係咖喱一大盤但飯煲吉晒都無人refill，我一個側手翻就裝晒所有飯，畢竟得果d d。上鍋時主動連3碟肉，係包括係套餐內既果3種肉，2牛1豬，唔洗擔心一開始冇肉食，但真心覺得牛係唯一選擇，豬方面脂肪比較多，油膩有餘，肉味不足；但牛方面就瘦肉較多，油脂佔10多20%，肉味相對濃郁。醬汁方面都是辣椒，蒜蓉豉油，但今餐我覺得用咖喱點肉食簡直係神來之筆，絕對絕對俾邊爐豉油好食得多自助櫃檯方面相當一般，都是蟲草花，唔同嘅菇類，翠玉瓜，腐皮豆卜，娃娃菜較為特別嘅係新鮮切嘅蕃茄片但我相信都冇乜邊個會食，因為
由於想食海鮮，一問最底要求都要4百多既套餐先有，所以只好叫左山椒味噌鍋（因為見到圖示有八爪魚）😂😂😂真係櫈都未坐暖就已經上鍋，由於得一小時任食，當然立即出去自助區攞野食
51 瀏覽
0 讚好
0 留言
59 瀏覽
0 讚好
0 留言
但真心相當普通，可能同價格掛鉤所以好難有驚喜，但值得推介既係佢有咖哩同飯，搞笑既係咖喱一大盤但飯煲吉晒都無人refill，我一個側手翻就裝晒所有飯，畢竟得果d d。
43 瀏覽
0 讚好
0 留言
107 瀏覽
0 讚好
0 留言
醬汁方面都是辣椒，蒜蓉豉油，但今餐我覺得用咖喱點肉食簡直係神來之筆，絕對絕對俾邊爐豉油好食得多
自助櫃檯方面相當一般，都是蟲草花，唔同嘅菇類，翠玉瓜，腐皮豆卜，娃娃菜較為特別嘅係新鮮切嘅蕃茄片但我相信都冇乜邊個會食，因為話晒俾咗錢都係會食肉，丸就得芝士魚蛋，墨汁墨魚丸，芝士腸。
58 瀏覽
0 讚好
0 留言
飲品方面就有杯裝茶，都係茶包沖出嚟，而且茶味相當淡，可能為咗就返濃味嘅火鍋，飲咗杯之後覺得真係淡得太過分我倒不如飲返汽水算，雪糕方便因為太飽關係就冇試，不過都係嗰啲雀巢嘢，仲有兩個不知名嘅自己挖既嘅雪糕。
總括而言，百零蚊一餐算係咁，不過計時間方面好均真，早10分鐘提我你差唔多，一夠鐘就埋黎清枱。
有一點真係令人好討厭就係啲阿姐啱啱食完一樣嘢唔使10秒就過嚟收碟，仲要下下不斷過嚟收一碟，過嚟收一碟，過嚟收一碟，好似烏蠅喺你身邊飛來飛去，心諗你話我儲咗成大堆碟喺度未收就過嚟一次過收姐，好似冇嘢做咁係咁過嚟收，我真係一啲都唔覺得呢啲係所謂嘅服務周到，反而勁煩。
噢，晚餐不用買了😂
38 瀏覽
0 讚好
0 留言
張貼
