千両 (希慎廣場)

營業中

休息中

千兩下午茶系列既定食一直都非常抵食，所以經常同朋友行完街之後，總會相約食個下午茶。環境好日系，位置坐得舒服，可以同朋友慢慢食同傾計。炙燒壽司．熱烏冬定食 $102一碟有四件壽司，四件燒得都好香，食得出係厨師即整的，入口仲暖暖地。最出色係烏冬，好有咬口，睇起身好似好細碗，但食完都幾飽。炸物亦非常唔錯，有南瓜玉米餅同埋大大隻炸蝦。滑蛋吉列豬扒鐵板燒定食 $108配有麵鼓湯同埋沙律，有兩碟開胃前菜。米飯選用日本米，好香甜米飯味。吉列豬扒炸得酥脆，有7、8舊，滑蛋裏面有洋葱，增加甜味，撈飯食好正。