Non Kitchen

營業中

休息中

呢間觀塘工廈嘅餐廳，lunch time 座無虛席。佢嘅午餐都幾多選擇。首先，自助區有沙律、湯同麵包，可以任食。呢個安排方便，可以滿足唔同人嘅口味。主菜我揀咗泰式燒春雞$148。燒春雞肉質嫩滑有驚喜，配上泰式醬汁，酸酸辣辣，風味獨特，好開胃。另外配菜仲有薯蓉。午餐加$18有薯條🍟，薯條炸得香脆，有少少辣粉。另外，餐廳有每日精選特價菜式，今日係星期四，有炭燒紐西蘭西冷牛扒原價$188，特價$158。牛扒揀咗五成熟，經炭火燒烤，保持肉質嫩滑，加埋特別嘅調味醬汁，唔錯。另外配菜仲有薯蓉。餐廳夠晒大，而且坐得舒服，呢個價錢真係一個唔錯嘅選擇。