Suage北海道湯咖哩

營業中

休息中

上網見到呢一間係來自北海道札幌嘅湯咖喱，你知日本嘅過江龍點可以唔試吓？ 湯底係採用北海道直送嘅而且仲榮獲國際旅遊平台2023年度札幌咖喱排名第一。見佢咁有名氣，而且可以嚟朗豪坊食完之後再行街，於是就嚟咗呢度啦。地點咁就腳。我哋兩個人都好怕辣嘅，所以就叫咗兩個唔辣嘅湯咖喱，佢嘅賣相好吸引擺得好靚，而且香味四溢令到我地垂涎欲滴，我哋叫咗個海苔魷魚天婦羅，日式唐揚雞湯咖喱&炙燒豚角煮湯咖，食落去味道都幾濃郁，而且份量都好多。味道唔會太鹹，食完唔會話好想飲水或者又好口乾嘅感覺。整體我覺得唔錯啦，又唔算好貴，而且地方又就腳喎，加上係日本嘅過江龍餐廳值得一試。