影片
更多
2023-07-22
542 瀏覽
今日黎到哩間位於中環既廚師發辦餐廳。餐廳係日式木系裝潢，內有呈L形既吧檯位置，可以睇到師傅製作壽司既過程。✨ Dinner Menu $1380🔸先付：靜岡蕃茄及沖繩水雲、汁煮白枚貝、野菜煮靜岡蕃茄相當香甜，沖繩水雲酸爽微黏；汁煮白枚貝新鮮爽彈，非常好食；野菜煮有秋葵、菇及金菇，上面再加上木魚及麵豉，三款前菜都夠曬開胃。🔸14貫寿司蜜柑鯛、帆立貝、深海池魚、赤貝、白蝦、金目鯛、右口魚、石桓貝、間八魚、梳子魚、細切池魚、太刀魚、白海膽、中拖羅所有壽司師傅都已經加上Wasabi及豉油，唔需要再額外加，師傅既份量控制得剛剛好～蜜柑鯛食落有淡淡既蜜柑味，類似柑橘皮既清香，清甜軟腍；帆立貝大粒厚身，相當鮮甜，上面更加上些許青檸汁；深海池魚質感清爽；赤貝非常新鮮，爽彈好食，帶有淡淡青檸香；來自首爾虎山灣既白蝦壽司，師傅用過昆布醃製，入口微黏鮮甜；金目鯛經過火炙，帶有炙燒香氣，肉質柔軟；右口魚上放有火炙過既右口魚群邊，帶有油香。石桓貝清甜爽口，食得出非常新鮮；間八魚上面放有麵豉醬及三升漬，三升漬味道突出；梳子魚上面加上磨香既芝麻，充滿炙燒過既香氣；細切池魚入面有蔥花及醬油，食落清爽，魚味突出；太刀魚
✨ Dinner Menu $1380
🔸先付：靜岡蕃茄及沖繩水雲、汁煮白枚貝、野菜煮
靜岡蕃茄相當香甜，沖繩水雲酸爽微黏；汁煮白枚貝新鮮爽彈，非常好食；野菜煮有秋葵、菇及金菇，上面再加上木魚及麵豉，三款前菜都夠曬開胃。
🔸14貫寿司
蜜柑鯛、帆立貝、深海池魚、赤貝、白蝦、金目鯛、右口魚、石桓貝、間八魚、梳子魚、細切池魚、太刀魚、白海膽、中拖羅
所有壽司師傅都已經加上Wasabi及豉油，唔需要再額外加，師傅既份量控制得剛剛好～
蜜柑鯛食落有淡淡既蜜柑味，類似柑橘皮既清香，清甜軟腍；帆立貝大粒厚身，相當鮮甜，上面更加上些許青檸汁；深海池魚質感清爽；赤貝非常新鮮，爽彈好食，帶有淡淡青檸香；來自首爾虎山灣既白蝦壽司，師傅用過昆布醃製，入口微黏鮮甜；金目鯛經過火炙，帶有炙燒香氣，肉質柔軟；右口魚上放有火炙過既右口魚群邊，帶有油香。
石桓貝清甜爽口，食得出非常新鮮；間八魚上面放有麵豉醬及三升漬，三升漬味道突出；梳子魚上面加上磨香既芝麻，充滿炙燒過既香氣；細切池魚入面有蔥花及醬油，食落清爽，魚味突出；太刀魚好厚身，肉質柔軟；來自北海道既白海膽相當鮮甜，完全唔腥，非常好食！中拖羅非常肥美，完全無筋，魚油亦好豐富💕
🔸門鱔、迷你洋蔥、蕃薯天婦羅 $120
天婦羅炸皮好薄，面層灑上些許鹽，門鱔滑嫩無骨；迷你洋蔥爽口；蕃薯香甜。
🔸雪場蟹腳海膽燒 $250
雪場蟹腳來自北海道，一碟有兩舊，上面放有燒海膽～
🔸湯品：麵豉湯
🔸甜品：京都宇治抹茶奶凍
甜品係師傅自家製既，上面放有黑豆，奶凍幼滑，上面既抹茶醬味道濃郁，食完之後相當滿足～
張貼
