SOW

營業中

休息中

早幾日又去左上環試下啲特色小餐廳，黎到「SOW」 門口見到外面係酒吧，裝修簡約，入面有唔少人用餐，應該無伏，就入去試下。Menu 主打西班牙菜+粵式Fusion菜，點菜之後店員主動送黎以茶壺盛載嘅迎賓湯。忌廉蕃蔬菜湯入口順滑，唔會太滯，先開一開胃口，再慢慢享用前菜👍🏻🌟西班牙脆豬腩夾膜 軟綿綿嘅中式的剁包夾住豬腩肉同京蔥，豬腩肉肥瘦相間，外皮非常香脆可口，醬汁甜甜地又唔會感覺油膩。一人一件真係唔夠喉🤭 🌟蒜片香草煙肉白酒煮鮮青口呢個白酒汁真係不得了！充滿牛油同蒜香，青口雖然唔係好大隻，但肉質鮮嫩，超級入味！食哂啲青口好有衝動想叫個意粉黎撈埋啲汁🤣🌟西班牙黑毛豬，魷魚鹹蛋黃煲仔飯西班牙式煲仔飯真心有創意，每枱都必叫！黑毛豬肉餅又厚又大件，切開仲有肉汁流出，肉味香濃。魷魚新鮮又香口，個飯底用鹹蛋黃一齊煮，鹹香可口。食之前店員幫我哋加啲豉油落去，渣渣聲，香氣四溢！🌟黑芝麻焦糖燉蛋配豆腐雪糕大家都應該食過焦糖燉蛋，但係如果加咗黑芝麻同豆腐雪糕嘅話就會顯得黑芝麻嘅味道更加突出，而且豆腐雪糕嘅味道溶咗喺嗰個燉蛋上面一齊食就好似一個布甸咁樣！🤩🍹Cream Sowda (🍍+雲呢拿+🍋+梳打)本來淡