Poking

做咗foodie之後肥咗好多，加埋考試一輪暴飲暴食真係肥到唔能夠面對自己個大肚腩🤰🏻 呢排開始做返啲運動，發現中上環區都幾多pilates studio，所以都多咗係呢頭搵啲健康餐食下，今次搵到上環嘅一間poke小店🥗呢到有自選夏威夷蓋飯，先揀飯底/沙律菜，再按個人喜好揀protein、配料、醬汁同香口脆脆🤙🏻 一上枱都幾大份，而且有用心思擺盤，打卡都唔錯💝 呢到都有好多款肉類選擇，除咗有平時嘅海鮮類呢到仲有牛腱肉同雞胸揀，今次就揀咗吞拿魚鮮蝦，食落都唔會有雪藏味，配料揀咗車厘茄、青瓜、雜錦香菇同西蘭花，整體都幾新鮮，特別鍾意佢哋嘅蜜糖黃芥未醬，加咗啲日式飯素同七味粉調味冇咁寡，低卡又令成個bowl味道豐富啲～除咗poke bowl，呢到仲有多款預設沙律，朋友就要咗一份The Spicy Popeye ($98)，呢份沙律有足足300g 慢煮雞胸，蛋白質滿滿，雞胸亦都好夠滑😳除咗沙律菜，佢仲有芫荽莎莎，藜麥車厘茄沙律，指天椒碎同花生碎，一上枱個陣指天椒味已經惹味到流晒口水🤤 如果覺得唔夠味仲可以額外加佢哋另上嘅和風沙律汁～總括嚟講，呢間poke同沙律都平衡到食物嘅味道同埋對健康嘅追求，