影片
更多
2025-04-21
1 瀏覽
今日去左間幾特別嘅餐廳，間野由英籍華人主理，主打懷舊英式中菜。裝修都好典雅，雲石大檯好grand，出面有個小花園，感覺幾chill。餐廳有唔同款嘅中式小炒，近期新推出左一個點心蒸飯lunch set，所以就試下。套餐有燉湯，日日唔同，今日係霸王花湯，成碗湯熱辣辣好足料，好夠火喉，飲得出係無味精，非常好飲！點心就有蝦餃、菜苗餃、燒賣同叉燒包，自己一籠有齊唔同款式。蝦餃同菜苗餃皮薄餡靚，燒賣一咬就爆汁，好香肉味，而叉燒包都好鬆軟，餡料唔錯。而蒸飯就有兩款選擇 – 蒸肉餅或者北菇蒸雞。佢嘅蒸飯好高質，飯粒分明，唔會煮得太硬或者太削。而雞同肉餅亦都好入味，蒸嘅時候肉汁流晒落個飯度，唔洗落豉油都夠味，絕對係呢世人食過最好食嘅蒸飯！佢嘅茶都好出色，香片香而不澀，飲得出用左靚茶葉。成餐飯不論係食物定服務都好用心，大家有機會要試下！
餐廳有唔同款嘅中式小炒，近期新推出左一個點心蒸飯lunch set，所以就試下。
套餐有燉湯，日日唔同，今日係霸王花湯，成碗湯熱辣辣好足料，好夠火喉，飲得出係無味精，非常好飲！
點心就有蝦餃、菜苗餃、燒賣同叉燒包，自己一籠有齊唔同款式。蝦餃同菜苗餃皮薄餡靚，燒賣一咬就爆汁，好香肉味，而叉燒包都好鬆軟，餡料唔錯。
而蒸飯就有兩款選擇 – 蒸肉餅或者北菇蒸雞。佢嘅蒸飯好高質，飯粒分明，唔會煮得太硬或者太削。而雞同肉餅亦都好入味，蒸嘅時候肉汁流晒落個飯度，唔洗落豉油都夠味，絕對係呢世人食過最好食嘅蒸飯！
佢嘅茶都好出色，香片香而不澀，飲得出用左靚茶葉。成餐飯不論係食物定服務都好用心，大家有機會要試下！
張貼
