Poking

👭 收工後同朋友行到上環，入咗呢間叫 Poking 嘅夏威夷蓋飯小店。門面簡約，入面乾淨企理，坐低就感覺好 chill，啱晒放工放鬆吓。🥗 今次揀咗自選蓋飯，糙米飯底鋪滿吞拿魚、牛腱肉同麻辣慢煮雞胸，三款蛋白質各有特色：雞胸肉嫩滑入味，帶微微麻香；牛腱肉煙韌有嚼勁；吞拿魚就清爽滑溜，冇腥味。配料揀咗車厘茄、泡菜、牛油果，酸酸辣辣中帶啲 creamy，口感豐富。自家製醋香果仁醬味道清新，唔會太濃，啱啱好提味。最後灑上木魚絲同日式飯素，咬落去有層次感，脆脆香香，好滿足 😌另外仲叫咗個蕎麥麵，有蝦、三文魚，豐富嘅蛋白質！🥤 飲品就試咗兩款：京都焙茶高蛋白飲，茶味濃郁，飲落去有啲微甘，唔甜膩；牛油果希臘乳酪特飲就滑到好似甜品咁，飲完有種健康嘅飽足感。🍽️ 整體感覺舒服自在，食物新鮮、有心思，配搭自由又唔會亂晒龍，下次會想再試吓其他配搭 💚