影片
更多
2017-12-19
3613 瀏覽
本身我都係一個上海人，由細到大都會食呀嫲煮俾我地食嘅上海菜，最懷念都係佢整烤麩同埋獅子頭，咁我今日一家人再加埋我女朋友，就去試下e間咁出名嘅336啦！由於打電話去訂坐關係，去到就有位啦！張枱都坐得好鬆動，而餐廳環境都唔錯。入門口果陣，見到佢地有個時令廣告，就係江蘇大閘蟹創意蟹粉系列，咁今年未食過大閘蟹嘅我就當然要試下啦！咁之後我地就叫左好多個餸，好，而家起菜啦！首先係四喜烤麩，係冷盤之一，是以生面筋為原料，經保温、發酵、高温蒸制而成，為常見的素食食材，最主要是以生面筋，冬筍，木耳及毛豆製成，咁今次餐廳e款菜都好好味，食落去口感鬆軟而有彈性，但係感覺上除左面筋之外，其他配料都較少，眼見冬筍就只有兩舊，毛豆就係得三粒，但係整體上，食完之後都係好好味，好開胃。酸辣湯，基本上係上海菜館必備菜式，又酸又辣，其材料主要有豆干絲，木耳絲，豬肚絲，竹筍絲，加上黑醋，豆辦醬，生粉等製作而成，今次個湯食落去都好香，好足料，酸味都好夠，但係辣味就差少少，都係好開胃，而我地今次就叫左個例牌，都起碼有7-8碗，份量都夠。雪菜炒粉皮，本身其實係想叫雞絲粉皮，但係呀媽話冷盤叫一個就夠，咁就叫左e款啦，黎到之後見到個
由於打電話去訂坐關係，去到就有位啦！張枱都坐得好鬆動，而餐廳環境都唔錯。
入門口果陣，見到佢地有個時令廣告，就係江蘇大閘蟹創意蟹粉系列，咁今年未食過大閘蟹嘅我就當然要試下啦！咁之後我地就叫左好多個餸，好，而家起菜啦！
四喜烤麩
$62
52 瀏覽
1 讚好
0 留言
首先係四喜烤麩，係冷盤之一，是以生面筋為原料，經保温、發酵、高温蒸制而成，為常見的素食食材，最主要是以生面筋，冬筍，木耳及毛豆製成，咁今次餐廳e款菜都好好味，食落去口感鬆軟而有彈性，但係感覺上除左面筋之外，其他配料都較少，眼見冬筍就只有兩舊，毛豆就係得三粒，但係整體上，食完之後都係好好味，好開胃。
酸辣湯
$118
42 瀏覽
0 讚好
0 留言
酸辣湯，基本上係上海菜館必備菜式，又酸又辣，其材料主要有豆干絲，木耳絲，豬肚絲，竹筍絲，加上黑醋，豆辦醬，生粉等製作而成，今次個湯食落去都好香，好足料，酸味都好夠，但係辣味就差少少，都係好開胃，而我地今次就叫左個例牌，都起碼有7-8碗，份量都夠。
雪菜炒粉皮
$63
70 瀏覽
1 讚好
0 留言
雪菜炒粉皮，本身其實係想叫雞絲粉皮，但係呀媽話冷盤叫一個就夠，咁就叫左e款啦，黎到之後見到個賣相都無咩特別，但係食落去都有d驚喜，d粉皮本身就無咩味，但係炒果陣就吸收晒雪菜嘅咸香，雖然材料就真係非常簡單，雪菜加粉皮，但係都真係幾好味。
蟹粉小籠包
$88
38 瀏覽
1 讚好
0 留言
我地總共叫左3籠小籠包，2籠小籠包再加1籠蟹粉小籠包，首先黎就係蟹粉小籠包，呀爸教我地點食小籠包，就係等面果度d皮由透明色變左白色嘅時候就可以夾啦，e個時候夾就一定唔會穿啦，咁我地就跟住做啦，真係唔穿wor,咁樣食到入面d汁又唔會話好熱，而且個小籠包真係非常濃蟹味，好足料。
小籠包
$38
31 瀏覽
0 讚好
0 留言
到小籠包上場啦，我地都係咁樣等啦，一樣食法，皮薄餡靚肉質鮮嫩，湯汁甚多極之美味，個人感覺上味道比較蟹粉小籠包好，更加傳統，肉味更出，更鮮味，所以之後更加追加多一籠。
青花椒湯雲吞
$50
36 瀏覽
1 讚好
0 留言
青花椒湯雲吞，一碗比較細嘅雲吞，我相信賣點都係青花椒湯，個湯就好香青花椒味，青花椒湯有温中散寒，除濕止痛功效，而且飲落去又唔會好辣，所以都好易入口，個湯係唔錯呀，但感覺上雲吞就較為細粒，我老豆就話上海雲吞唔係咁樣呀！大大粒呀！又係wor!之前食果d都未見過咁細粒!所以值得推介都係個湯，我想餐廳可以以這個湯推出更多菜式，例如湯麵。
上海粗炒
$75
42 瀏覽
1 讚好
0 留言
跟住到上海粗炒啦，碟麵一上枱就已經好香啦，跟住就試下啦，碟麵都好足料，有肉絲，椰菜絲，調味都落得好足，份量剛剛好，唔會太咸，而且都食得出好有鑊氣。
砂鍋煸尖豆腐
$72
40 瀏覽
1 讚好
0 留言
跟住細佬同老豆都話唔夠飽，咁就叫左幾個小菜再加多兩個白飯，小菜就包括這個砂鍋煸尖豆腐啦，個賣相就差少少，裏面就有毛豆，筍尖同豆腐，味道唔係太咸，但係都好濃，送飯一流。
黑醋排骨
$78
28 瀏覽
0 讚好
0 留言
跟住就係黑醋排骨，用鎮江黑醋再加排骨煮成，酸酸甜甜味道的確是中菜特色之一，再加上香口嘅洋蔥，而且排骨份量都有好多，都係一個送飯非常好嘅菜式。
醬燒茄子
$65
49 瀏覽
1 讚好
0 留言
醬燒茄子，賣相就差左少少，是一個非常健康的菜式，最主要都係茄子再加肉碎，用蠔油煮起黎，非常香口，而且茄子又有口感，都係送飯一流，醬汁非常好送飯。
最後食埋兩碗擔擔麵就埋單啦，個個都食飽晒，非常滿足，一定會再黎。
張貼
