影片
更多
2021-09-05
437 瀏覽
身為米線關注組既成員，之前已經見過有谷友推介呢間鳳嗚居既醉雞米線。加上我之前都係住上水粉嶺呢邊，對呢間餐廳有種特別既親切感。今日襯住返屋企探爸爸媽媽呢個機會，決定約埋我2個家姐同男朋友一齊試試佢。除左較出名既米線，原來仲有好多麵底同飯類揀。平時食得米線陰，今日就叫個花膠醉香雞湯飯試下。呢個花膠醉香雞湯飯真係無得頂，未食剩係聞到陣味都流晒口水啦。個湯底好濃郁既藥材同酒味，雞件肉質都算滑，最正係啲花膠，係真係有花膠既魚味，滿滿既膠質感。我地小食叫左碟辣豉油爽脆鵝腸一齊食，辣味唔算太重，但十分惹味。另外加左啲芽菜都幾爽口，而且份量方面都唔算少。咁我就叫左杯凍百香果飲，飲落酸酸甜甜，岩晒解渴，唯一有小小既缺陷就係唔夠凍。價錢方面唔貴，以後會再黎食，加油💛
除左較出名既米線，原來仲有好多麵底同飯類揀。平時食得米線陰，今日就叫個花膠醉香雞湯飯試下。
花膠醉香雞湯飯
24 瀏覽
0 讚好
0 留言
呢個花膠醉香雞湯飯真係無得頂，未食剩係聞到陣味都流晒口水啦。個湯底好濃郁既藥材同酒味，雞件肉質都算滑，最正係啲花膠，係真係有花膠既魚味，滿滿既膠質感。
辣豉油爽脆鵝腸
34 瀏覽
0 讚好
0 留言
我地小食叫左碟辣豉油爽脆鵝腸一齊食，辣味唔算太重，但十分惹味。另外加左啲芽菜都幾爽口，而且份量方面都唔算少。
凍百香果
27 瀏覽
0 讚好
0 留言
咁我就叫左杯凍百香果飲，飲落酸酸甜甜，岩晒解渴，唯一有小小既缺陷就係唔夠凍。
價錢方面唔貴，以後會再黎食，加油💛
張貼
