孖啡 (已結業)

我平時行旺角都好小會一路行抬頭四圍望，因為條街實在太多人。。一個唔留神就會行行下撞到人， 所以都忽略左好多樓上鋪同餐廳... 咁今次我同友人行街傾傾好計企左係個路口, 望下d高樓大廈就發現左Double. cafe,佢入面燈光閃閃好似好熱鬧咁我地餓起上黎就沖左上去。呢間cafe同時下既有d唔同佢除左係飲野為主，都有好多主食可以叫,好接近一間小廳廳.我地叫左個黑松露野菌意大利飯，一個軟殼蟹黑松露意大利粉，龍蝦湯同幾碟小食。我想講佢cafe仔細細，但d食物都唔馬虎。。好足料。兩碟黑松露既主食都好大碟同好濃厚既黑松露香，d小食都唔錯，由其係個水牛雞翼大大隻,辣得黎唔太鹹好惹味. 佢呢度d飲品都幾調得幾好，同埋個流心既朱古力心太軟都正唔太甜易入口。我以後都要多d抬頭望真旺角既景色,原來樓上係有咁多好野食！