影片
更多
2025-05-01
953 瀏覽
-壽喜燒 伊勢熊🥩三訪伊勢熊 - 以香港來講 呢度既壽喜燒性價比極高 人均唔洗$700就可以欣賞由黎自日本福岡縣資深日籍主廚久家弘一先生親自主理既壽喜燒盛宴一共有10道菜 食得飽飽又滿足 而且每次黎都會keep到水準 同時又會有小新意 值得回訪餐廳主打以風味極致既和牛為基礎 以關東濃郁醬汁燉煮概念結合關西甜香糖烤 配主廚獨家割下（佐料醬汁）秘方堅持選用來自日本不同產地的食材 - 特別搜羅自日本香川縣小豆島的橄欖和牛 同京都府綾部市牧場引入京都姬牛 以優質和牛作焦點食材 就連挑選大米、雞蛋、季節蔬菜等都特別搜羅自日本各縣既頂級品種每次坐吧檯用餐座位就最開心 因為可以睇到日本主廚即席烹飪 親自介紹食物產地與種類 有如置身於日本一樣✨壽喜燒套餐 - 樂 ($680)前菜 3品🍱 螢光魷魚 入口鮮甜 肥美爆漿 咬落彈牙又帶絲絲海水鹹香 底下伴有蠶豆豆腐綿滑細膩 豆香自然 同魷魚莫名地夾🍱 蘿蔔漬伴日本菜心配三文魚籽蘿蔔漬爽脆微酸 襯托出日本菜心既清新甘香 而三文魚籽爆汁鹹香 層次感豐富🍱 洋蔥櫻花蝦魷魚餅天婦羅中意呢個炸得好香口 炸粉薄脆 櫻花蝦帶來濃郁鮮香 魷魚餅彈性十足 配埋甜美洋蔥 滋味
壽喜燒 伊勢熊🥩
三訪伊勢熊 - 以香港來講 呢度既壽喜燒性價比極高
人均唔洗$700就可以欣賞由黎自日本福岡縣資深日籍
主廚久家弘一先生親自主理既壽喜燒盛宴
一共有10道菜 食得飽飽又滿足 而且每次黎都會
keep到水準 同時又會有小新意 值得回訪
餐廳主打以風味極致既和牛為基礎 以關東濃郁醬汁燉煮
概念結合關西甜香糖烤 配主廚獨家割下（佐料醬汁）秘方
堅持選用來自日本不同產地的食材 - 特別搜羅自日本香川縣小豆島的橄欖和牛 同京都府綾部市牧場引入京都姬牛
以優質和牛作焦點食材 就連挑選大米、雞蛋、季節蔬菜等都特別搜羅自日本各縣既頂級品種
每次坐吧檯用餐座位就最開心 因為可以睇到日本主廚
即席烹飪 親自介紹食物產地與種類 有如置身於日本一樣
✨壽喜燒套餐 - 樂 ($680)
前菜 3品
🍱 螢光魷魚
入口鮮甜 肥美爆漿 咬落彈牙又帶絲絲海水鹹香
底下伴有蠶豆豆腐綿滑細膩 豆香自然 同魷魚莫名地夾
🍱 蘿蔔漬伴日本菜心配三文魚籽
蘿蔔漬爽脆微酸 襯托出日本菜心既清新甘香
而三文魚籽爆汁鹹香 層次感豐富
🍱 洋蔥櫻花蝦魷魚餅天婦羅
中意呢個炸得好香口 炸粉薄脆 櫻花蝦帶來濃郁鮮香
魷魚餅彈性十足 配埋甜美洋蔥 滋味平衡
蒸物
🍣︎ 鯛魚櫻花糯米壽司
呢個食法都幾特別 - 櫻花葉包住糯米壽司配茨汁
煙靭壽司包住細嫩鯛魚 一啖咬落去有櫻花葉香氣
而茨汁令整體更滑溜鹹鮮 加上微辣芥末 鹹香中帶點花香
A4和牛壽喜燒
每次係度食和牛都會有提供埋和牛來源紙本
確保產地同時安心享用有質素既優質和牛
🥩 鹿兒島黑毛和牛 西冷
入口即溶 肉味極濃 油脂分布均勻細膩 肉汁飽滿溢出
牛脂融化時帶出陣陣奶香與甘甜
🥩 京都姬牛 西冷
選自京都府綾部市牧場的雌性黑毛和牛 油脂融點低
肉質細緻嫩滑 牛肉輕輕一咬即化於舌尖 油脂香潤卻
毫不膩滯 牛味鮮明濃厚 🌟🌟🌟🌟🌟
🥚 日本蛋
餐廳提供日本認證兵庫縣蛋做拌蛋汁同雲朵蛋白
食落蛋香濃郁 而雲朵蛋白 - 蛋白打成雲朵般鬆軟
蛋黃用來拌牛肉更添滑順 ☁️
同時提供4種調味料：黑松露醬、柚子、山葵和海帶漬
大大提升牛肉口感同味道既變化 又可以解膩🌟
🥬 日本野菜
嚴選日本各縣頂級時令蔬菜 - 包括京都菠菜+京都燒豆腐+山形冬菇+靜岡縣Amela蕃茄+ 粟米麵筋等等
尤其是Amela高糖度水果蕃茄 細膩多汁 酸甜平衡
入口爆汁 天然果香突出
🐣 究極蛋蓋飯
每次最期待嘅飯 - 用上日本北海道夢美人米同古代米混合
口感煙韌黏糯 比平時既白飯更有咬口 層次豐富
夢美人米係北海道最高品質既米種；古代米產量品唔多
但含有多種維他命 係稀有而價值高既米
用佃煮方式(醬油、味醂等材料一起煮到黏稠的燒菜方式) 令米飯吸滿昆布高湯與醬油香
連同蛋液拌勻後滑順香濃 微微鹹甜 幸福感滿溢
甜品
🍡 蜜瓜大福 - 大福皮薄軟糯 蜜瓜極多汁清甜
估唔到同紅豆幾夾 甜度適中
🍡 檸檬漬番薯 - 番薯軟糯 帶微酸同檸檬清香 食完解膩
🍡 琥珀糖 - 細膩清甜
🍡 焙茶 - 焙茶香氣濃郁 有淡淡焙烤味 回甘解膩
張貼
