東京街日本料理 (西洋菜南街)

營業中

休息中

呢間野每次行過都想食，因為喺門口睇Menu都好吸引，價錢又唔貴，但次次都已經食飽咗，今日放假終於有機會食啦。叫咗一個丼飯，另加$10將三文魚轉三文魚腩。我想講一定要轉囉，因為三文魚腩真係超正，係勁厚切，放入口真係好似食緊肥豬肉咁。不過真係唔食得多，三件真係夠晒。甜蝦同帶子都新鮮。另外叫咗一set炙燒壽司，呢set反而就有少少失望啦，冇乜特別。再叫多咗一份芒果軟殼蟹卷，芒果就有少少酸，軟殼蟹都OK。總括嚟講，呢間餐廳我係會再食嘅，三文魚腩一定要試。