Eggslut

營業中

休息中

人潮比我想像中少，排隊落單要用英文，三文治(?)新鮮熱辣，即叫即做，大約要等10-15分鐘。裝修感覺好似老麥😂但價錢貴接近一倍，心理有少少唔平衡😂*Fairfax sandwich 招牌炒滑蛋三文治 $68布里歐麵包超軟熟、濕潤，帶牛油香，包住用放養飼雞蛋嘅炒蛋，蛋香十足，炒到全熟都可以保持嫩滑。神來之筆係炒蛋入面嘅細蔥，令到成個包唔會好膩好單一。入面仲有焦糖洋蔥、車打芝士、是拉差沙律醬，整體就係一個邪惡好食嘅組合。Slut 招牌蛋薯蓉加棍法麵包 $58雞蛋加薯蓉放入玻璃樽，經低溫慢煮到蛋黃半熟，撒上細蔥、海鹽。雞蛋半熟好似果醬嘅質地，但海鹽令到佢好鹹，反而薯蓉好滑又有牛油香，有驚喜。法包係敗筆，唔脆又腍又韌，不行不行。