三希樓 (利舞臺廣場)

營業中

休息中

湯底～三希樓麻辣火鍋/鮮果香湯鍋🫶🏻我地一試試佐兩個湯底，整佐個鴛鴦鍋，麻辣湯底真係鮮紅色架，好多辣椒，全部炒香過，啲辣油炒到晒黎，辣椒炒完出晒味，湯底亦有啲花椒，幾麻，唔錯呀，夠晒辣！另外係鮮魚湯再加梨，好滋補，好香魚味，亦有果香，岩晒想養生既朋友呀！火鍋配料👍🏻炸魚皮同響鈴都炸得好好，新鮮炸起，完全唔油膩，唔會有油益味，配火鍋岩晒！魚頭就新鮮既，睇得出好靚，好鮮味，完全唔腥，好滑，配魚湯一流呀！唐生菜同雜菇拼盤都好新鮮呀，好清新，打邊爐點可以無，辣菇好惹味添！三椒豬手🫰🏻呢個豬手切好晒一粒粒，超易入口，用佐青椒辣椒花椒去炒，又麻又辣，豬手皮煙煙韌韌，啲豬手都炒得好入味，香口美味！咕嚕肉✌🏻啲豬肉炸完再拎去炒，肉汁鎖晒係入面，好嫩，咕嚕汁整得好好，酸甜味岩岩好，加埋新鮮既紅青椒同菠蘿洋蔥，好開胃，好正！