三希樓 (利舞臺廣場)

銅鑼灣利舞臺廣場近年開了不少食肆，最常人流集中的樓層，反而是其中一兩間做得認真、值得一吃的。三希樓便是其中之一下著黑雨，傍晚六點半抵達，餐廳八成滿，尚有幾枱熟客自攜紅酒，氣氛不俗。亦有兩三枱吃火鍋，配料看來講究，下次或可一試。今次重點是蝦 。瓦罉焗胡椒海蝦，未上枱已聞其香。蝦非小隻，蝦膏明顯，殼酥香，腳脆可食，蝦頭慢慢啜尤為惹味，辣勁適中，不嗆。此菜一出，鄰枱紛紛望過來啫啫蝦醬通菜煲亦出色。選用最嫩的菜芯，粗纖維全刨去，蝦醬香濃，不腥。蝦乾用料大方，非坊間細碎貨色，反像家中自留的九節蝦乾。蒜片牛仔肉粒屬招牌之一，做得乾爽無油，蒜片香脆零苦，牛仔肉不韌，調味亦準，適合佐酒。青椒清香魚，魚肉厚切，有質感，非一般火鍋用薄片。湯頭帶微酸，有點像四川水煮魚的清爽版本，加中式麵條更覺過癮。飯後甜品點了香滑蛋白杏仁茶，尚可；紅豆椰汁糕略為平實。三希樓裝修不俗，菜式有心。廚房不怕費工夫，亦願用好材料，在這區已屬難得，值其所值。…查看更多

岩岩去完成都旅行，返到香港好快掛就住成都嘅味道週末就約埋朋友去銅鑼灣行街食飯，搵返間高質美味嘅川菜回味一下店內環境開揚，落地大玻璃仲可以眺望銅鑼灣景色座位寬敞舒適，仲設有獨文廳房，約會小聚、一家大細聚餐都非常適合餐廳主打帶粵菜及四川菜，菜式非常精緻美味當中嘅極品龍蝦麻婆豆腐真係一試難忘食物方面:蜂蜜番茄 : 蕃茄去皮味道清甜，加上桂花及蜂蜜一齊食，口感清新蒜泥肉片 : 蒜泥強烈的辛香味，味道濃郁，肉片切得極薄，入口時滑嫩不膩，還夾著一片小黃瓜，搭配吃起來爽脆不油膩杏汁白肺湯 : 湯頭細膩順口，呈現絲滑乳白色澤，白肺燉至嫩滑，再配上雞腳、掛骨及白果，溫潤滋補，潤喉又暖胃 極品龍蝦麻婆豆腐 : 龍蝦伊麵就食得多，龍蝦麻婆豆腐真係第一次試，賣相非常吸晴，龍蝦肉質爽嫩彈牙，麻婆豆腐口感嫩滑，配埋碗白飯就無得彈，真係食過最好味嘅麻婆豆腐青椒清香魚 : 魚片鮮嫩，份量十足，湯頭清香微酸，湯入便仲有烏冬麵，非常有驚喜香菇萵荀絲 : 口感爽脆嘅萵筍絲搭配香菇片，味道清淡帶少許菇菌味，適宜解辣杞子桂花糕 :   以杞子、桂花及桂圓肉搭配製成，入口清甜不膩香滑蛋白杏仁茶 : 杏仁茶香甜濃郁，甜度適中，再加入嫩滑蛋白塊，飲落暖胃，解決川菜的油膩感…查看更多

餐廳：三希樓地點：銅鑼灣利舞台廣場菜式：川菜餐牌：涼菜小食、明爐燒味、鮑參翅肚、湯羹、河鮮、海鮮、家禽、牛肉、羊豬肉、乾鍋系列時蔬、粉麵飯、甜點、飲品一坐低就有兩款小食，包括八爪魚青瓜粒同香辣爽脆萵筍。蒜泥白肉 $148 另加一蒜泥白肉一客八件，擺盤好靚。白肉片包住薄薄青瓜片，食落唔覺太肥膩，淋上辣油，面頭加上白色滑溜蒜泥醬汁，第一次食打成泡沫既蒜泥，原來可以加添香滑口感，好有特色。五椒焗海中蝦 $360 另加一五椒焗海中蝦用有蓋煲熱辣辣上枱，一客六大隻連殼大蝦，加有滿滿胡椒。蝦殼好脆，可以食埋，蝦肉鮮甜，味道少少辣，胡椒味好香，好惹味。招牌酸菜魚 例 $428 另加一招牌酸菜魚例都好大兜，好多連皮魚片，非常滑溜又有口感，配有好多秀珍菇同酸菜，加有蔥花。味道都頗辣同酸，好夠味。白飯 $18 另加一食酸菜魚當然要餸飯，白飯用蓋蓋住。三希樓吊燒雞 半隻 $248 另加一三希樓吊燒雞賣相一流，雞肉好香，燒得皮薄脆，而肉嫩帶雞味，調味調得鹹香，伴有少少沙律菜解膩同豉油提味。好食到停唔到口。清炒萵筍絲 $128 另加一清炒萵筍絲口感爽脆，味道鹹香微辣，餸飯一流。薑茶湯丸 $40 另加一湯丸一客兩粒，好淋又滑溜，入面係芝麻流心餡，個薑茶薑味濃，唔太甜。棗茸千層糕 $48 另加一肉眼見到有五層，聞到好香紅棗味，唔會太甜，感覺養生。今餐食物質素好高，餐廳環境高檔，裝修精美，服務員態度有禮，換碟勤快。…查看更多

是晚又係屋企人飯局之夜～辛苦搵嚟志在食🤝🏻網上見到呢間口碑一流嘅中菜餐館～急不及待訂位試試～我哋一致認為呢度食物美味、服務殷勤、環境舒適～以後家庭聚餐又多一個好選擇啦😚.✨烤椒桂花蚌 $168青翠烤椒配襯住爽口彈牙嘅桂花蚌🤗係一道涼拌開胃小菜🙌🏻🙌🏻.✨青椒清香魚 $438呢度除咗粵菜小炒出色之外～亦主打正宗川味菜🌶️🌶️所以我哋都忍唔住叫番其招牌魚試試～有辣有唔辣嘅選擇～最後商量後揀咗呢款唔辣嘅鮮青椒🫑清香魚～魚片肉質嫩滑～湯頭清徹鮮味～仲有寬粉於其中～下次要試埋其他口味先得😋.✨瓦罉焗胡椒海蝦 六隻 $360濃郁胡椒香氣撲鼻而至😀😀隻隻海蝦都珍寶size！外殼卜卜脆到差啲食埋🦐蝦肉飽滿又鮮甜！讚！.✨三希樓吊燒雞 半隻 $248非常高質💯雞肉醃得入味～且皮脆肉嫩滑😍😍好快被我哋清咗碟！！.✨蝦醬啫啫唐生菜煲 $158蝦醬味道增添風味之餘又唔會太霸道～使啫啫唐生菜食感提升到另一美味層次～大推薦‼️‼️.✨火龍果冰沙 $68即叫即打～紅肉火龍果色彩鮮艷吸引🍹飲落冰爽透心涼！！✨好卡頓啤酒 $48冰凍啤酒配美食🍻🍻簡直絕妙！！.✨晚市茶芥 $26@位✨加一服務費…查看更多

呢間餐廳主打川菜，不過比想像中更多元化，唔係每一道都麻辣到飛起，反而有辣有唔辣，仲有打邊爐可以揀，幾適合一大班朋友一齊去。前菜叫咗嗰燻魚豆干同小蔥皮蛋豆腐，兩款都幾有驚喜，薰魚帶微微煙燻香，豆干口感好特別，有點似鹵水蛋白。小蔥皮蛋豆腐就冰涼開胃，豆腐滑得嚟有豆香，皮蛋則選得很靚，濃郁又流心，加上小青蔥，味道平衡得剛好。之後上嘅係明爐蜜汁叉燒，外層帶焦香甜味，肉質肥瘦分明，好下飯。招牌酸菜魚當然係重頭戲，酸香湯底滲晒魚片，夠味又唔會太過油膩，係可以飲或者撈飯，都唔會heavy嘅湯，酸辣平衡得好好。鍾意粉嘅仲可以追加埋薯粉落去，質感滑溜，而且超吸湯，個人好中意。炸物方面，酥炸廣島蠔外皮金黃香脆，咬落去鮮味滿滿，好滿足。最後點返碟清爽嘅金銀蒜茸蒸勝瓜，蒜香突出但又保留勝瓜清甜，而且佢地勝瓜火候到位，食落去口感係脆脆地嘅，很不錯。甜品叫咗兩款。香滑蛋白杏仁茶 好綿密，入口順滑，杏仁味香濃但唔會苦澀。酒糟桂花小湯圓則非常清新低甜，淡淡桂花清香，仲有糯嘰嘰嘅小丸子，溫暖滿足地收結我地嘅晚餐。…查看更多

好友約銅鑼灣《三希樓》嘆高質粵川菜，高樓層環境寬敞開揚並有落地大玻璃窗，座位舒適。我們點左 前菜：豆角&海帶。小食：蒜片牛仔肉粒：乾爽不油膩，牛仔肉嫩滑味濃多汁。涼拌海蜇雲耳：爽脆清爽可口。青椒清香魚（大）：厚切魚肉很嫩滑，配嫩竹筍、酸菜、幼麵條，湯底清甜美味，另上辣椒粒可調配個人辣程度。啫啫唐生菜煲（蝦醬）：瓦煲上枱熱烘烘生菜嫩綠、蝦醬味香濃、大隻蝦乾味鮮甜。腰果黑椒牛肉粒：牛肉腍滑入味好好食，腰果鬆脆，味道剛好。招牌咕嚕肉：豬肉腍外皮脆，配料菠蘿、喬頭、三色椒、蕃茄汁酸酸甜甜好開胃好味道。甜品香滑蛋白杏仁茶：杏仁味香濃很滑，小小甜夠健康。自家製擂沙湯丸：香滑軟糯，中間夾黑芝麻醬、外層黃豆粉，口感豐富。…查看更多

之前係ig見到三希樓好好食，然後今日去試左。菜式普遍都不過不失，但係個乾鍋雞件好難食！啲雞無咩肉，仲要係油炸到勁乾，僅餘嘅肉又韌又嚡，應該係我食過最難食嘅乾鍋。個menu仲要寫話係惹味之選呃左我哋去叫…查看更多

好友約我飲下午茶吃高質點心，裝修優雅美觀，有一列落地大玻璃窗高樓層景觀開揚。我們點左：水晶鮮蝦餃：有五隻皮薄剔透蝦肉爽彈好好食😋招牌燒賣皇：肉味鮮甜又大隻真不錯👍沙律明蝦角：炸得脆口脹卜卜蝦仁爽口，配什果沙律超美味。即製蜜餞叉燒腸粉：叉燒腍蜜味足，腸粉軟糯順滑。香煎手打墨魚餅：煎得香脆可口又爽彈。巧工鮮豬潤腸粉：鮮豬潤爽口無腥味。酒香豬潤燒賣：豬潤酒味香，蒸得啱啱好很嫩滑。韮菜水餃：餃子好大隻皮薄餡料滿滿脹卜卜。雞湯小籠包：皮薄煙韌，湯汁豐富。木桶即撞豆腐花：豆味香濃很幼滑，桂花糖水、黃糖很好味，店員話廚師每天早上磨製確保新鮮值得推介。…查看更多

涼拌海蜇雲耳海蜇晶瑩，很厚身爽脆，口味酸甜中帶點微辣，同雲耳好夾，有醋香和芝麻油，十分開胃。蒜泥白肉薄如紙嘅豬肉片和青瓜層層疊疊，覆蓋著蒜泥與紅油，肉質細嫩，蒜泥醬汁微辣濃郁。其中一款招牌魚～青椒清香魚魚片雪白軟嫩，其中幾片有少少骨，不過都容易取出。綠椒絲點綴，湯汁清亮，充滿鮮椒香，突出食材本味，越食越惹味。X.O.醬粉絲蝦煲蝦隻橙紅豐滿，勁大隻，啖啖肉，有少少胡椒香，粉絲吸滿湯汁，滑順又帶彈性，干貝與蝦米，醬香入味，令人回味。招牌咕嚕肉外層酥脆，豬肉被醬汁包裹，肉質多汁，醬汁黏稠，酸甜帶果香，佐飯一流。勝瓜洋葱炒雲耳勝瓜爽口，洋蔥微甜柔軟，整體鮮甜清新。棗茸千層糕軟糯彈牙，不會太甜，每一口都帶著淡淡棗香。酒糟桂花小湯圓小湯圓很柔軟，湯底微微濃稠，入口溫潤，酒釀香氣濃郁，桂花清香，餘味悠長。香滑蛋白杏仁茶乳白色細滑順喉，蛋白軟嫩，杏仁味濃郁，整體極香噴噴，另一半都表示想encore。…查看更多

位於利舞台嘅《三希樓》，名字源自清朝乾隆收藏至愛名家墨寶御書房《三希堂》之名，彰顯《三希樓》傳承大中華文化。主打正宗川菜、傳統川式特色嘅點心 和 四川地道火鍋。今次嚟嗌左:✨️小葱皮蛋豆腐 $68豆腐軟滑，䓤花香口，皮蛋夠鹹香。✨️涼拌麻辣萵荀絲 $68萵筍切絲，被紅油浸泡著，惹味醒胃。✨️青椒清香魚(例) $438薄切嘅清香嫩滑嘅魚下面盡是彈牙烏東，飽肚又好味。呢餸可自選辣度，我選了少辣，微辣惹味又過癮。✨️霸王辣子蝦 $360蝦共有6隻，蝦肉鮮嫩，好夠鑊氣。✨️石鍋小肥羊 $268羊肉質素高，紋理清晰，入口冇渣。✨️香滑蛋白杏仁茶 $84杏仁碎至幼細，非常香滑。✨️極品溜沙包 $45一打開爆出金黃色流沙，睇見都流哂口水。…查看更多

⛩️「三希堂」位於北京禁城養心殿的西暖閣，係乾隆皇帝的書房，內裏收藏有王羲之的「快雪時睛帖」，王詢的「伯遺帖」，王獻之的「中秋帖」視為三件稀世瑰寶，故將書房命名為「三希堂」，其後再將皇官所收藏的書畫名家真蹟，修編成一部法帖，名為「三希堂法帖」，流傳於世😍⋄🪭乾隆皇常精於營實，在名家的作品都蓋上「三希堂」之印章以示欣賞，所以「三希樓」的命名亦是由此而來🤩承繼中華精深飲食文化精神，意示「川希」「粵希」「點希」，希望菜譜上能夠蓋上「三希樓」的印章⋄⋄====—====—====—====—✦ 涼拌小食 ✦🥙小蔥皮蛋豆腐（$68）🌿涼拌麻辣萵荀絲（$68）⋄✦ 招牌 ✦🐟青椒清香魚（$438/例）🦐霸王辣子蝦（$360）🐑石鍋小肥羊（$268） ⋄✦ 包點 ✦🍞極品流沙包（$45）⋄✦ 甜品 ✦🍨香滑蛋白杏仁茶（$42/位）⋄✦ 其他 ✦🍁晚市茶位（$26/位）====—====—====—====—.📌店名：三希樓’📍地址：銅鑼灣波斯富街99號利舞臺廣場17樓B號舖…查看更多

裝修非常高雅氣派，完全是高級粵菜館的裝潢，被安排在靠落地窗位置，景觀相當開揚。 川粵菜我之前比較陌生，想不到四川菜跟粵菜可以完美融合。剛好近來國內有個大熱烹飪節目，才有所聽聞，想不到在這裏就吃得到，好喜出望外，食物質素也非常滿意。 🫖茶位：人參烏龍茶第一次喝，茶湯淺紅有光澤，入口清涼順喉。 ✨️前菜：涼拌萵筍／涼拌章魚青瓜一入座，侍應就奉上了。口感冰涼，爽脆可口，味道微辣開胃，為我們打開了味蕾。 ✨️蒜泥白肉 $148擺盤非常好，白肉切得輕薄透亮，一片青瓜一片白肉，上面鋪滿了雪白的蒜泥，夾起一份白肉，去沾旁邊的紅油，鮮香爽口👍。 ✨️燒椒桂花蚌 $168桂花蚌處理得很乾淨，剛剛熟的海鮮爽脆感，配上微微烘烤過，表皮有一點焦的辣椒，味道香辣，越吃越過癮，辣味持久不散。 ✨️🐟水煮魚 $448好大一盤，不太清楚用的是甚麼魚，但魚肉切得又大又厚，口感嫩滑得讓人一試難忘，滑不溜口，配料有萵笋／竹筍／鴨血（不知道有，這我們不吃），除了鴨血，總體真的很好吃。 ✨️🦞龍蝦麻婆豆腐 $1080好誇張的一道菜，不肯定是不是他家的招牌，樓下／電梯裏的水牌都有這道菜。一上桌我們都要忍住尖叫的衝動，好大一盤，龍蝦跟麻婆豆腐是怎樣的組合？龍蝦肉厚爽口，豆腐滑溜，味道鮮香辣，以為吃不完，但吃着吃着就清盤了，捨不得浪費一丁點。 ✨️金銀蒜茸蒸勝瓜 $138簡單的粵菜是最考驗功夫的，勝瓜切得很薄，以生蒜／熟蒜一起蒸，又香又清爽，在辣菜面前，這就是神來之筆了。 甜品是每餐的完美句號，這句用在這家餐廳簡直太適合了。 ✨️香滑蛋白杏仁茶 $84每日自家新鮮生磨杏仁來煮，濃郁而香滑的杏仁茶配上嫩滑的蛋白，不太甜，入口舒服又暖胃。 ✨️棗茸千層糕 $58晶瑩剔透，軟糯可口，棗泥的香味獨特，也不會甜，好好食。 總結，川粵菜打開了我對美食的眼界，想不到四川的濃烈，跟粵菜的溫和，是可以共融的。服務也真的很好，我們每吃完一道菜，店員就很迅速換下來，也有跟客人互動，講解食材，我覺得非常好，下次一定要再來。 …查看更多

利舞臺有間出色樓上川菜小編其實真系好少食川菜，而今次就同為食友人帶埋大家黎到位於銅鑼灣利舞臺，裝修相當典雅有氣派既樓上川菜 一 三希樓 🌟蒜泥白肉蒜泥真系盡見工刀，如綿如沫，白肉加入青瓜絲同川辣汁，爽脆得黎麻香惹味🤤👍🏻👍🏻🌟麻辣豆干絲又系一道刀工菜，豆干絲切得夠幼，加入川麻油，作為前菜冷盤幾開胃🤤👍🏻🌟青椒青香魚高湯鮮甜，魚肉細嫩，加入青花椒同藤椒，麻中帶香，香中帶麻🤤👍🏻👍🏻🌟香茹萵苣絲川菜真系好考刀工，萵苣絲切得夠幼之餘，食落爽脆🤤👍🏻👍🏻🌟XO醬粉絲蝦煲蝦肉爽彈，粉絲加左惹味既XO醬，真系餸飯一流🤤👍🏻🌟五指毛桃燉雞湯湯頭清甜，帶淡淡椰子香同藥材香之餘，雞味亦相當香濃🤤👍🏻🌟川芎天麻燉大魚頭一飲就知足料，飲落胡椒味同藥材味都好出，飲完成個人暖笠笠🤤👍🏻👍🏻📍三希樓地址：銅鑼灣波斯富街99號利舞臺廣場17樓B號舖…查看更多

銅鑼灣超級老字號出名的中菜餐廳🍴———三希樓，高質高尚，超多識飲識食的客戶都係呢度既熟客🤤中菜講求精緻，體驗，有質素。呢度無論服務態度，環境氣氛樣樣到家，絕對係滿足到食客的感情與味蕾享受😋 1. 蜂蜜🍯番茄🍅 $48 前菜甜甜爽爽的，開胃好吃😋2. 燒鵝拼腩仔 $268 這裡的燒味好出名的，味道當然比大街上的店鋪還要好吃😋，必吃之選喔3. 瓦罉焗胡椒海蝦 $360 海蝦比較高檔，主要是這個瓦罉胡椒，真的可以打包拿回家再做配料，香極了🤤4. 青椒🫑清香魚🐟🍲 $438 必吃必吃必吃，超級大鍋，夠4人份量的喔😬這個魚湯是我喝過最好喝的，說不出那種味道👅魚是新鮮做的，吃過才懂什麼叫好吃🤤…查看更多

瓦罉焗胡椒海蝦鮮蝦裹滿濃郁胡椒香，打開煲蓋時濃濃胡椒辛香，熱辣惹味通香氣撲鼻，瓦罉高溫焗製逼出蝦膏精華，蝦肉緊實彈牙。腩仔拼叉燒上桌熱辣辣，賣相吸引，叉燒燒得香而不乾，切得夠厚身。燒腩肉皮脆肉嫩肥瘦均勻好惹味。青椒清香魚香味撲鼻望落去好清唔油，真係清香，好味，班片好滑好厚身，有讚岐烏冬吸晒湯底，好掛湯。三希樓吊燒雞燒雞果然係外脆內軟，好多肉汁，一啲都唔柴，而且調味不會過鹹，十分推介。蒜片牛仔肉粒牛肉入口即溶且肉味濃，蒜片非常香脆，簡直係Perfect match。川芎天麻燉大魚頭湯而款燉湯冇魚腥味，藥材味濃之餘，亦有肉香味，好滋補。五指毛桃燉雞湯燉湯湯料豐富，與平時的老火湯有分別，滋味濃郁，湯色清澈，入口溫潤。…查看更多