影片
更多
2008-01-22
16 瀏覽
今日係我生日, 而老公生日又只係在兩日後, 所以我地就準備一齊慶祝, 睇見匯豐白金卡在Brasserie on the Eighth有生日優惠, 於是我地就想試吓, 因為我大肚其實不能食得太飽, 黎這些貴甲唔飽的地方最啱!一早book好枱, 7:15pm到達, 侍應好細心咁幫我地掛好外套, 又攞個架幫我將老公送的花放在我身旁, 見我大肚仲問我需唔需要個cushion support 住個背脊. 我地睇吓menu, 有2-courses, 3-courses 同4-courses 的晚餐, 由$398 –598, 如跟紅白酒的就加$200.我地一心想食souffle做甜品, 點知……侍應話個爐壞咗!! 所以我地就叫咗1個2-courses with wine同１個3-courses．頭盤大家都要咗鵝肝，主菜我要咗大虾搭牛柳，老公要咗大虾搭羊架，由於我地唔係好湯之人，所以無叫湯，甜品就要咗dessert sampler．鵝肝：几油，不過伴住ｄ萍果同提子黎食又几好味，如果個鵝肝再煎香ｄ乾身ｄ會更好！大虾(King prawn)：肉好爽！好有grill的香味，最好係唔使自己去殼，我至愛！牛柳：
一早book好枱, 7:15pm到達, 侍應好細心咁幫我地掛好外套, 又攞個架幫我將老公送的花放在我身旁, 見我大肚仲問我需唔需要個cushion support 住個背脊. 我地睇吓menu, 有2-courses, 3-courses 同4-courses 的晚餐, 由$398 –598, 如跟紅白酒的就加$200.
我地一心想食souffle做甜品, 點知……侍應話個爐壞咗!! 所以我地就叫咗1個2-courses with wine同１個3-courses．
頭盤大家都要咗鵝肝，主菜我要咗大虾搭牛柳，老公要咗大虾搭羊架，由於我地唔係好湯之人，所以無叫湯，甜品就要咗dessert sampler．
鵝肝：几油，不過伴住ｄ萍果同提子黎食又几好味，如果個鵝肝再煎香ｄ乾身ｄ會更好！
大虾(King prawn)：肉好爽！好有grill的香味，最好係唔使自己去殼，我至愛！
牛柳：由於我有BB唔舒合食生嘢，所以唯有叫咗７成熟的牛柳，其實真係太熟，外皮已經硬到咬唔到，但牛柳無根，都好好味！大食的人可能會覺得太細”舊”
羊架：老公叫咗medium rare，好生吔！但滑好多，有羊味，不過我唔鐘意太重羊味．
伴碟的食物最令我失望的係黑色大菇，唔知叫咩菇，以前以為好好食，好想買番屋企煮，今次食完就唔會囉，苦苦地架！
甜品sampler有５款：Tiramisu, ??pudding, pulm in red wine, home-made ice-cream, 心太軟，全部都好味！
咖啡同檸蜜一般，但送上的朱古力手指餅同杏仁硬曲奇就好好味！食完侍應仲再refill咗多一碟，不過我地已飽所以無食．仲有籃面飽几好食，有ｄ肉的paste同牛油俾你”查”,可惜我都係鐘意oliver oil 同vineager多ｄ．
老公話ｄ跟餐的紅白酒都好一般,出面賣只不過少於＄２００,但這裏mark-up好勁，賣成$580，酒店果然係酒店！總括來說餐飯令人滿意，只係個餐廳裝修其實唔太grand，都有ｄ嘈，可能因為附近有一枱成20人的long table dinner啦！
埋單＄1000（已經用咗HSBC 生日的50%），要一提的係侍應到最後未能做到完美，當老公埋完單時，侍應已經走咗，無人幫我地攞番ｄ用櫈套蓋住的外套，無人幫我拿番ｄ花，唔通收咗錢就叫做完生意？自問老公俾tips都唔少架？！
張貼