米走雞Deluxe (已搬遷) 新店位置

向來都鍾意周圍試下雞煲，貪可以慢慢坐下傾下計，今次搵左間米走雞試下，好在有BOOK位，7點半都差唔多坐滿，一坐低就好快有人招呼，有效率，當然試下招牌雞煲啦，見到隔離台雞煲好似好大份，想食下其他野所以叫半隻，等左陣雞煲上枱以為食得，原有仲有人點火燙一燙炒一炒，都係第一次見，香口好多，D雞好好肉同埋個辣好香口，夠入味，叫左兩款牛，雪花同牛頸脊，真係好新鮮，冇雪味，個人偏好牛頸脊因為肉感厚D，另外五寶丸真係手打，食落真係好唔同，鵝腸同鮮帶子都好鮮甜，質素都比出面好，雖然食食下都爆曬場，但職員都冇吹人走既感覺，幾個朋友傾下計最岩，因為酒水都算平，又有生啤枝裝啤，下次都會再黎食，因為個雞對比出面真係好唔同