影片
更多
2023-03-23
47 瀏覽
終於都黎到呢間大熱雞翼專門店，佢地嘅雞翼放題岀哂名，餐廳座位舒適闊落，燈光也比較暗，裝修充玩味，配上幾盞霓虹燈，一齊叫雞😂啱哂打卡📸今次我地選擇左90分鐘雞翼放題，有10種口味可以選擇，一於食盡佢，每次落單最多可點六款不同口味，每款四隻，最正係佢即叫即整，夠晒香口。90分鐘雞冀放題 (10種口味)星期一至四 $188星期五至日 $208Free Flow:soft drinks / lced lemon Tea (+$10)呢度嘅雞翼除咗口味多之餘，仲分左乾身、濕身、特製口味，食都食得特別招積😎🔸 田園風味雞翼呢款雞翼幾清新，加左少少 sour cream 嘅粉，食落酸酸地。🔸 巴馬臣芝士蒜蓉味雞翼勁多芝士碎喺上面，啱晒一班芝士控，再加埋啲蒜蓉，超級惹味😋🔸 水牛城醬餐廳採用自家製水喉匠，味道同出面普通的有所不同，帶酸甜又辣辣地🌶️🔸 咖啡香味 呢個配搭非常新穎，真係會聞到咖啡香味，但係食落又唔會有苦澀味。🔸 黑芝麻海鮮蜂蜜鹹香嘅海鮮醬，加上蜂蜜嘅甜味，仲有香口嘅芝麻，好食👍🏻🔸 檸檬黑椒雞翼灑上黑椒去炸，再比新鮮檸檬🍋你加上去，味道普通。🔸 泰式甜辣醬雞肉上鋪滿炸蒜，加上泰式辣醬，可惜
今次我地選擇左90分鐘雞翼放題，有10種口味可以選擇，一於食盡佢，每次落單最多可點六款不同口味，每款四隻，最正係佢即叫即整，夠晒香口。
90分鐘雞冀放題 (10種口味)
星期一至四 $188
星期五至日 $208
Free Flow:
soft drinks / lced lemon Tea (+$10)
呢度嘅雞翼除咗口味多之餘，仲分左乾身、濕身、特製口味，食都食得特別招積😎
🔸 田園風味雞翼
呢款雞翼幾清新，加左少少 sour cream 嘅粉，食落酸酸地。
🔸 巴馬臣芝士蒜蓉味雞翼
勁多芝士碎喺上面，啱晒一班芝士控，再加埋啲蒜蓉，超級惹味😋
🔸 水牛城醬
餐廳採用自家製水喉匠，味道同出面普通的有所不同，帶酸甜又辣辣地🌶️
🔸 咖啡香味
呢個配搭非常新穎，真係會聞到咖啡香味，但係食落又唔會有苦澀味。
🔸 黑芝麻海鮮蜂蜜
鹹香嘅海鮮醬，加上蜂蜜嘅甜味，仲有香口嘅芝麻，好食👍🏻
🔸 檸檬黑椒
雞翼灑上黑椒去炸，再比新鮮檸檬🍋你加上去，味道普通。
🔸 泰式甜辣醬
雞肉上鋪滿炸蒜，加上泰式辣醬，可惜係只有外皮有味。
🔸 蒙古燒烤
好香孜然粉，帶有微辣，比較乾身。
🔸 死神醬
一向食得辣嘅👱🏼最想挑戰呢個死神醬，大大啖咬落去，過左一陣就知道低估左個醬，整個口腔都好辣🥵食咩都有辣味，大家要小心選擇。
總的來說，呢度真係好啱雞翼控，而且每張枱都準備左紙巾，濕紙巾同手套，非常方便，如果大家唔想食放題，其實都可以散叫，試下其他唔同嘅食物。
張貼
