BAKE Cheese Tart (已搬遷) 新店位置

今次嚟到BAKE搵食！其實之前母親大人都外賣過返屋企～但今日經過見到冇人排隊就諗住試吓熱辣辣version啦！芝士撻 （$20）我哋想試吓食燶啲嘅會唔會香啲～就問個店員可唔可以要燶啲嘅啦～佢又唔答就拎起遞咗1個過嚟因為我哋買2個就覺得好疑惑....無奈地接咗後佢先再拿一個俾我哋(汗)可能店員真係太忙～但其實得唔得或者想我哋接住嘅話你講一聲仲快吧....講返個撻先～冇我想像中的熱辣辣～只係暖的～所以都唔係流心嘅～失望！芝士嘅味道就係不錯～不會濃到嗆喉～但感受到佢濃郁幼滑！最好味係個餅底～夠脆有口感！總括來說現場版不過不失～之前食過冰凍版反而有驚喜!推介大家買返屋企雪凍食～