今次嚟到Royal Inn搵食！ 好耐冇去銅鑼灣、咁啱喺皇室堡見到royal inn、 餐廳入口有座小型噴水池和天花吊燈、散發出高貴優雅的氣派，內裏裝飾佈置亦充滿法式浪漫氣氛。除咗用餐環境設計吸引、獨特的多國菜式加上擺盤鮮艷奪目亦是餐廳優勝之處。 鮮牛肉他他配燒牛骨髓（$188） 唔係好多地方食到，因為食材的鮮度同質量一定要好高水準先唔會食到肚痛，呢度做得好好，鮮牛的肉味香濃口感軟綿綿，配上蛋香和燒骨髓的油香、算是絕配。 香脆豬面頰肉意大利松露小雲吞（$158） 黑松露醬係西餐嚟講係基本野，小雲吞入面都有黑松露肉餡。但個人認為MVP係豬面頰肉，香脆酥軟食到停唔到口，齒頰留香。 法式芝士焗生蠔（$28@） 另外見到法式芝士焗生蠔做緊優惠推廣，又忍唔住想過吓口癮，呢道菜做得好的要點係唔會overcook令到蠔肉縮水乾爭爭，保留鮮味同時芝士煙肉的香濃脆口點綴剛剛好，冇喧賓奪主。 香煎北海道帶子番紅花意大利飯（$208） 帶子鮮甜不在話下，由高級調味料番紅花煮成的意大利飯軟硬度適中、加上巴馬臣芝士溶化後creamy香濃，再三回味。最後要再讚多次每道菜的擺盤真的非常適合打卡，一定迷倒一眾女性歡心。 Mixedberry smoothie ($52) 莓味香濃、而且夠大杯、 味道不錯！

今次嚟到牛魔搵食！
店內光線充足、整潔乾淨
桌子之間有適當距離～可以同朋友靜靜傾偈 午餐menu除了燒肉、仲有烏冬、拌飯、鍋物等等 大部分都不到$100、喺尖沙咀來講算抵食 調味料方便有岩鹽、燒肉汁、蒜蓉 牛魔燒肉盛合B （$246） Lunch set中比較高級的和牛盛合 有A4和牛霜降、澳洲和牛西冷、澳洲和牛胸腹、澳洲和牛五花、和牛牛肩肉、厚切和牛舌 每款都有2片、當中和牛霜降的油香非常香、入口即溶 但我最愛始終係厚切牛舌、有咬口！ 燒肉自選盛合3品（$128） 黑毛豬頸肉、醬油雞肶肉、全天然豚五花薄切 每款有4片！而且超大片！ 比其他燒肉連鎖店的size大2倍！！ 醬油雞肶肉即使厚肉、但調味依然入味、推薦！ 餐飲加$10可以選茶系列、 一大壺冰麥茶可以斟3、4杯、抵飲 或是加$15的特飲、可惜這杯鳳梨梳打偏甜 店員細心提醒雞肶肉要放兩傍燒、非常細心 慢慢烤就可以確保煮熟又不會燶～ 燒肉盛合附上的生菜意外地有菜味 可以中和一下和牛的油膩感！

公司搬咗冇得再過嚟lunch 唯有夜晚捉埋朋友上嚟食😋 龍卷風沙律 $68 有蔬菜、海藻、蟹柳、脆片 有脆片點綴、比一般沙律多重口感 加上微辣醬料、非常開胃！ 網燒味醂魚乾 $78 用味醂調味後以網燒烘乾的魚乾，油脂清香，是居酒屋必食的高級小菜、顏色金黃、香氣撲鼻、口感煙煙韌韌、魚味濃郁，佐酒一流！ 搖滾樂 $113 上層有芝士和鰻魚，兩者都味道濃厚，creamy得可以在口中溶化，飯卷內層有牛油果和炸蝦，清新味鮮。一口咬下去外軟內脆口感豐富、味道相得益彰，好味到狂點頭 Rock & Roll ! 辣味三文魚卷 $68 以三文魚、紫菜、黑芝麻卷成的飯卷、設計中規中矩，勝在價錢親民及微辣的蛋黃醬令到味道冇咁單調普通。 黑豚豬頸肉串 $32 黑毛豬肉味極濃，肉質嫩滑，肥瘦適中，油脂跟肉汁在口中爆發的瞬間，感到非常幸福同時又帶有一絲罪惡感XD

今次嚟到小清邁搵食！ 屋企附近的餐廳食到悶悶哋 今日特地由柯士甸買泰國菜返屋企食 小清邁是一間外賣小店、門口站着2隻泰裝的木製娃娃 之前經過幾次已經被櫥窗的泰式甜品吸引。 雪櫃內的綠色飲品也非常令人注目。 小店12點-9點都可以買套餐、價格十分抵。 泰式炒金邊粉 （$58） 泰菜必吃嘅金邊粉、份量放滿一整盒。 味道酸甜適中、 雞蛋、雞肉、豆腐份量多以外、花生碎也不少。 比較可惜是配檸檬而非青檸、清新的感覺稍遜。 椰香青咖喱雞飯 （$52） 滿滿的雞肉和滿滿的咖喱汁！ 咖喱之中我最鍾意青咖喱、加上濃濃的椰汁 微辣中帶甜、不會太刺激 牛肉串燒　($54) 牛肉有點乾、不過加上沙爹汁還不錯 椰汁西米糕 （$24） 椰汁西米這永遠討人歡心的甜品、 喜歡它不是以葉包着、吃時比較方便 龍眼水 （跟餐+$10） 龍眼肉佔了半樽！！ 味道不會太甜、龍眼可以一解泰菜的熱氣 為整餐劃上一個完美的句號

今日去到古今二搵食！其實之前試過去其他分店都覺得唔錯，咁啱經過荃新天地一期商場，就決定制霸埋呢間分店同菜色。 古今二走日式居酒屋格調，呢間分店的裝修叫做最似。食物方面主打和風創作卷物、鍋物。冬天時食過鍋物，湯底濃厚足料，今次一於選擇卷物、天婦羅。 龍卷風沙律（$76） 好得意，餐廳的料理連命名都非常有創意，就好似呢道菜叫龍卷風沙律，配料有蟹柳、中華沙律、脆片、蟹籽、沙律菜，微辣蛋黃醬，我估計因為配料一絲絲分量多，食之前要又攪又撈，動作好似龍卷風掛XD 雖然只係普通食材，但配搭起來味道清新、係好味嘅。 左：彩虹卷 （$116） 顧名思義，五顏六色嘅係劍魚腩、三文魚、吞拿魚同牛油果拼成，飯卷入面有紫菜同蟹柳，劍魚腩最鮮味，加分。 右：金龍卷（$98） 上層有三文魚配微辣蛋黃醬、內層有炸蝦，造成外軟內脆嘅口感。欣賞廚師將卷物size整成一口一件、一啖可以品嚐全部食材味道層次。 雜錦天婦羅（$88） 食材有鮮甜大蝦，秋葵、甜心小紫薯。天婦羅炸粉不會厚重油膩，而餐廳環境舒服、食材夠新鮮、價錢公道，值得一試。

今晚搵食到德美壽司。呢度算係尖沙咀地段少數又唔貴又好味嘅日式餐廳，環境相對地熱鬧，有啲似居酒屋風格，同三五知己一齊飯聚就最適合。 菜單方面都應有盡有，真係好想每個種類都試吓，可惜我個胃同銀包一樣咁細XD最後點咗壽司、串燒、天婦羅、石頭鍋飯。 壽司盛合 美 池魚、帶子、三文魚、車海老、油金魚、赤身、三文魚子、鰻魚、京葱拖羅蓉小卷。每件都鮮味十足，唔係連鎖店貨色或者腥腥壽司。 串燒牛舌 幾乎每次都會點，最欣賞係皮脆肉彈牙，牛味夠濃，只係太細份唔夠喉。 溫泉蛋天婦羅 軟綿綿嘅流心蛋外層包住脆口嘅天婦羅炸粉，唔油膩，蛋味香濃，手工一流。 廣島蠔石頭鍋飯 我自己嘅食法係將南瓜、里芋、紫薯等野菜連同醬油完全攪勻融入鍋飯當中，別有一番風味。而蠔嘅肉汁鮮味都有留在鍋飯入面，相當出色。 餐廳服務都好周到，加茶收碟時間掌握得好，最後甜品三色糕係餐廳送嘅，紅豆、椰汁、抹茶，上面有芒果醬，好滿足。

今晚搵食到位於港島區上環新開的鮨店，鈴·鮨刃。餐廳主打日本菜Omakase，啱晒對食材料理及用餐體驗有要求嘅人。聽聞大將耀師傅係傳奇日本料理大師的入室弟子，所以我立即衝去朝聖。

跟一般傳統鮨店不同，踏出電梯的瞬間已經感受到那份嶄新氣派。店內環境乾淨企理，裝潢華麗時尚，仲有閃亮風鈴走廊打卡位。店內座位唔多，好在我一早有訂位。另外有一間包房可以坐6-8人，我們當然要坐吧枱欣賞師傅的刀工手藝才是Omakase王道。晚餐餐單主要分17-23道菜色，包括前菜、刺身、壽司、創作料理及甜品，用日本人氣山峯命名，而我們選擇了高尾。

當晚為我們安排料理嘅係Alan師傅，他會細心問客人鍾意同唔鍾意食咩，又會因應客人肚唔肚餓去調節魚料及壽司飯份量。每道菜式及食法都清楚介紹，非常專業。

講到食材，服務長介紹每日由日本選料，空運到港，處理食材的過程及時間都一絲不苟，保證優質新鮮。

前菜：
(右)用蛋黃及蛋白磨碎製成，但口感和樣子都好似蛋糕。
(中) 愛知縣無花果天婦羅，外脆內軟，味道甘甜。
(左) 香脆蟹仔及紫菜蟹丸，望落去似藝術品，但原來食落幾有蟹味。靜岡縣高糖度番茄。幾乎每次都會見到佢，係蔬菜類王者。配合淡雪鹽更突出番茄味。清新、爽甜、開胃。刺身：
千葉縣石鯛，原本味道淡雅，用了酸汁啫喱和日本生薑絲茗荷點綴，出乎意料地提升了味道層次。
北海道帆立貝，加上青檸汁及竹炭鹽調味，爽口鮮甜。白子，當造時期夠新鮮，值得一讚嘅係處理手法令到一啲腥味都冇。深海池魚，4日熟成處理，魚味濃郁。
鰤魚，當造季節，背中有咬口，腩位超肥美。
北海道BB銀鱈魚，輕輕火炙帶出油香，入口即化 。再來是鎮店創作菜色，大拖羅三角位，加上魚子醬和金箔，下層是最中餅皮夾着芥末泡泡。一口吃出幾個層次，亦不會搶走拖羅魚油香味。熱食：
雞肉雞軟骨丸，昆布鰹魚湯底，味道不俗，清一清喉嚨迎接下一道菜色。壽司：
伊佐木，配海苔醬，白身魚之中肉質同油脂最平均。
象拔蚌，配醬油、檸檬汁，爽口鮮甜。
剝皮魚，配魚肝味道甘香，魚味較淡。
手釣鰺魚，配青瓜漬、生蔥代替薑蓉，唔會搶走魚味。
牡丹蝦，配蝦頭膏，鮮甜回甘。如果有車海老就更好。
粒貝，配檸檬汁、竹炭鹽，同樣爽口鮮甜。
間八，輕輕煙燻、配柚子胡椒，這裡開始使用赤醋飯，因為魚味是最濃。
赤鯥，輕輕火炙迫出油脂，口感柔軟，回味無窮。
秋刀魚，配薑蔥控制腥味，當造季節肥美飽滿，魚脂味一流。
北海道馬糞海膽，口感奶滑濃郁味道甘甜。 湯品：赤味噌麵豉湯 甜品：抹茶牛奶布甸配十勝紅豆 整體來說店的食材質素和給客人的用餐體驗都很好，例如耀師傅好識炒熱氣氛令食客好開心，而Alan師傅相對地嚴肅，專注於食材料理的他亦很有魅力。這裏的服務亦是非常細心到位，對酒品的認識介紹十分專業，平衡到客人不同需要，我認為確實值得推介。

今次嚟到The Captain’s House搵食！ 一向聽講captain’s house的海鮮非常有名～ 終於找到機會來吃一下～ 店舖空間不算太大～但每枱中間有實色間隔 有足夠私隠度～可以安心和朋友聊天～ Menu選擇凡多～不過海鮮platter真的非常吸精！ 有冷有熱～任君選擇～ 墊枱紙的大小剛好覆蓋整張枱～非常方便～ 而且龍蝦captain也很可愛 路易斯安那特色蟹餅（$108） 份量不少的蟹餅～！ 加拿大蟹腳拆肉後、再加入香料和乾葱～ 先煎香後再焗、外脆內軟！ 表面的醬咸咸辣辣的～非常惹味 而且每一口都是蟹肉～滿足度200% Peach on the Peach ($58) 以ginger ale為base～ 加上薄荷葉、青檸、桃汁 清新的mocktail～！ Tuscany Sun ($58) Tuscany為意大利城市托斯卡尼～ 電影 (Under the Tuscan Sun)就係描寫當地夕陽～ 因為顔色近似～mocktail Tuscany Sun就此誕生 飲品以蜜桃加上蘋果汁～再同ginger ale混和 甜美可口～亦可為海鮮拼盤解一解辣！ Seafood Platter($398) 在冷Platter和熱Platter之間猶豫了一會兒～ 還是熱的比較吸引～ 可以在小龍蝦、海蝦、活青口、小八爪魚、扇貝、活蜆、翡翠螺、松葉蟹腳和活鮑魚中～ 分別可選3、5或8款海鮮配搭～ 然後再從中選擇自家製檸檬牛油汁、卡疆蒜蓉汁、或胡椒牛油汁調味！ 店員一來已經幫我們來把海鮮shake shake shake～ 直至醬汁和食材完全融合～就在盤子打開 一打來已經傳出濃濃的蒜香～ 我們選了海蝦、活青口和活蜆～ 打開還有粟米和薯仔！ 卡疆蒜蓉汁是辣辣咸咸的～加上蒜蓉～非常惹味 直接把海鮮全部送入口～哈哈 墨汁鮮魷魚、八爪魚意大利飯 魷魚圈煎至金黃色～一上枱已向淡淡的香氣 八爪魚是小小的～有咬口～ 意大利飯軟硬適中～ 能一起吃墨汁意大利飯的一定是好朋友 可以毫不在意一起變黑牙齒～哈哈 Cream brûlée ($78) 2人份量的焦糖燉蛋～拿著匙一下插進去的聲音清脆口 證明焦糖烤得到位～ 蛋味十分香濃軟滑～ 配上脆脆焦糖有雙重口感

今次嚟到WM Cafe & Bar搵食！ 在海之戀2樓的餐廳位置比較隱蔽～ 有室內室外兩邊～空間感十足 餐牌內容非常非常豐富～ 各種頭盤、主菜、海鮮、甜品等等加起來超過十頁！ 真是選擇困難 龍蝦湯&吉列炸蠔 （$35） 主菜加$35就可以有餐湯、吉列蠔或沙律、和餐飲～ 餐湯可以選龍蝦湯或蕃茄湯～ 我們當然選了比較罕有的龍蝦湯～ 湯非常濃郁~附上一顆黑糖麵包～微微的甜味 可以比上連鎖店的味道 炸蠔看來有一點油～不過咬下去還好 炸粉也不太厚！ 牛油果蟹肉青蘋果沙律配多士 （$98） 蟹肉份量超多！太令人開心了～ 而牛油果如青蘋果亦非常清新～ 可以先打開味蕾～ 附上3片多士～可以自製蟹肉多士 亦可以沾餐湯吃～ 蒜香檸檬大蝦扁意粉($88) 重口味控注意！ 呢道意粉上枱時已經香氣撲鼻、入口有3個層次的味道、每種味道都非常鮮明而且濃烈～ 分別是蒜片、檸檬汁、羅勒葉、好蒜、好酸、好香草～ 配合忌廉做成醬汁令到大蝦連殼連肉都入味， 扁意粉亦成功掛汁、鍾意濃味嘅食家一定欲罷不能、不過記得飲多啲水同自備香口膠～ 酥皮焗法式三文魚扒配雜菜($168) 以酥皮包住牛扒焗的威靈頓牛扒可能比較常食到、 但以酥皮包住三文魚扒去焗的料理就比較罕見～ 三文魚扒感覺會清新一點～加上餐廳的特製醬汁～味道不會膩 配料的雜菜有我喜愛的露筍～不錯！ 士多啤梨杯 其實是士多啤梨mousse 軟滑的mousse 配上粒粒士多啤梨～ 口感豐富！ 藍莓芝士蛋糕 飯後甜品細細一件份量剛剛好～ 芝士蛋糕永遠都和脆餅最夾～好吃！

今次嚟到Outdark搵食！ 成年冇得去旅行⋯真係要食一下異國菜幻想一下外國風情 Outdark位於韓國街附近的厚福街～ 店內環境和裝修也比較舒適 原來outdark特地調暗燈光、給客人一種放鬆心情的氣氛！ 餐牌內中英韓兼備～而且每種也加上照片和介紹 食物款式一目了然！ 不過對選擇困難症來講～實在太多想要食了！！ 炭豚飯卷($88) 太過份了～身為飯卷竟然材料比飯多！哈哈 吃下豚肉有炭燒香氣～而且有蛋、青瓜、醃蘿蔔等各種材料～ 口感非常豐富～！ 雙拼炸雞（$192) 可以選雙拼實在太好了！！！ 我們選了甜辣炸雞和香蒜蜜糖炸雞～ 店員一來～我們忍不住嘩了一聲 一座炸雞山放上來！！ 香蒜蜜糖炸雞牛油味很濃～ 咬下去雞肉很嫩～蜜糖甜甜的～完全是juicy的感覺 甜辣炸雞就是辣雞中最mild的～ 香氣四溢～惹味非常！ 而且炸薯還分薯條、薯格、粗薯3種～ 每種也不同口感～店家真是每一個細節也很用心 東萊海鮮煎餅（$118） 東萊位於釜山～當地傳統煎餅就是東萊大蔥煎餅 而這個東萊海鮮煎餅就如其名～ 在大蔥煎餅上加上各種海鮮、有蝦、魷魚和魚肉 還有紅椒青椒和洋蔥～ 只是色彩已經食欲大起～ 味道香口～材料又多～ 而且店家貼心切成小塊～非常推薦！ Strawberry Smoothie($45) 因為是yogurt smoothie～味道甜甜酸酸的～ 隱約還有草莓碎可以吃到～ 最重要是可以解辣！就不怕辣雞太刺激了～ Mango Ade ($35) 用上真芒果打碎加進soda～ 再附上一片檸檬～非常清爽的飲料 可以為濃味的食物解解膩～ 環境舒適、店員用心、食物好食 而且是良心店💛💛 實在值得一來再來！