影片
更多
2018-01-14
88 瀏覽
係香港嘅Omakase都有唔少，不過以天婦羅為主嘅就真係唔多嘅，趁十二月就黎到呢間位於中環嘅瀧，餐廳嘅環境好好有個counter望住師傅炸天婦羅，服務仲非常之好添，坐低嘅時候就同我地介紹咗餐牌上唔同set嘅分別，食物會按季節而轉，同朋友分別叫左中間嘅瀧同下面嘅極黎食一開始就係前菜，個賣相擺得好靚，打開左入面係水紫菜同鮮水母，水母爽脆好有口感，加埋酸酸地嘅醋夠哂開胃之後嘅頭盤就有包括左四樣野，分别係鴨胸，銀杏合桃豆腐，同酒盜。個豆腐好滑同香合桃味，另外個酒盜幾特別，配埋芝士食好夾，用黎送酒就最岩跟住就係一個湯，湯嘅材料只係梅同紫蘇葉，飲落酸酸地，味道非常之清甜。之後就到刺身喇，有三款，個深海池魚比起平時出面食嘅池魚味道濃郁好多，大拖羅都唔需要多講啦，入口即溶夠哂滿足～之後就到天婦羅嘅時間喇，首先睇下啲醬料，三款醬料分別有檸檬汁咖哩鹽同埋海藻鹽，食嘅時候師傅仲會教你配邊樣食最好，仲有任加嘅蘿蔔溶，用兩種唔同嘅蘿蔔做成，一啲都唔馬虎。第一款俾我地食嘅就係目光魚，呢隻魚係日本直送嘅，口感好鬆軟，加上師傅手勢好，做到外脆內軟食Tempura當然唔少得炸蝦，蝦嘅味道好好，同出面食嘅可以話係完全唔同
係香港嘅Omakase都有唔少，不過以天婦羅為主嘅就真係唔多嘅，趁十二月就黎到呢間位於中環嘅瀧，餐廳嘅環境好好
有個counter望住師傅炸天婦羅，服務仲非常之好添，坐低嘅時候就同我地介紹咗餐牌上唔同set嘅分別，食物會按季節而轉，同朋友分別叫左中間嘅瀧同下面嘅極黎食
一開始就係前菜，個賣相擺得好靚，打開左入面係水紫菜同鮮水母，水母爽脆好有口感，加埋酸酸地嘅醋夠哂開胃
之後嘅頭盤就有包括左四樣野，分别係鴨胸，銀杏合桃豆腐，同酒盜。個豆腐好滑同香合桃味，另外個酒盜幾特別，配埋芝士食好夾，用黎送酒就最岩
跟住就係一個湯，湯嘅材料只係梅同紫蘇葉，飲落酸酸地，味道非常之清甜。
之後就到刺身喇，有三款，個深海池魚比起平時出面食嘅池魚味道濃郁好多，大拖羅都唔需要多講啦，入口即溶夠哂滿足～
之後就到天婦羅嘅時間喇，首先睇下啲醬料，三款醬料分別有檸檬汁咖哩鹽同埋海藻鹽，食嘅時候師傅仲會教你配邊樣食最好，仲有任加嘅蘿蔔溶，用兩種唔同嘅蘿蔔做成，一啲都唔馬虎。
第一款俾我地食嘅就係目光魚，呢隻魚係日本直送嘅，口感好鬆軟，加上師傅手勢好，做到外脆內軟
食Tempura當然唔少得炸蝦，蝦嘅味道好好，同出面食嘅可以話係完全唔同，好食好多。
跟住仲有炸大蜆添，蜆就食得多，炸真係第一次見，師傅仲話係連殻一齊炸，入面仲有冬菇粒，炸到出黎唔會話好乾，加埋冬菇好香。
最後仲有個紅衫魚天婦羅，配左海膽汁同新鮮海膽，帶出左魚嘅味道，師傅唸出黎嘅食法
食完天婦羅之後，就有個煮蘿蔔係中間俾我地清一清個味道再食主食
熟食方面個course係日本近江和牛燒，同宮崎牛肩，和牛入口即溶，兩樣都好好食，份量唔多但已經好滿足
跟住食事就係一個蕎麥面，個蕎麥面食落就係唔同啲，湯底鮮甜加埋爽滑嘅闊身蕎麥面very good,食埋就真係岩岩好。
到最期待嘅甜品喇，呢個炸鹿兒島安納芋跟埋師傅嘅特別食法，加少少砂糖同埋白蘭地，令到番蘿加上少少酒味同砂糖嘅甜，跟直就係絕配！師傅仲講笑咁話呢個先係今日嘅主菜我又覺得真係好正
最後仲有水果作結尾，真係又飽又滿足，值回票價。
總括黎講，呢餐Omakase真係好正，間餐廳無論裝修服務食物所有野都好掂！
張貼
