EXP

營業中

休息中

我約咗朋友，一行6人嚟呢度食lunch，今次坐bench，不太舒服，但仔仔就好開心，因為可以一邊食一邊睇溜冰。我order咗 EXP 拼盤兩客($65)、蝦天婦羅烏冬($58)、Pizza($78)、帶子墨鱼麵($72)、大蝦麵($68)、Jelly Bricks($25) 和Creme Brulee($26)EXP拼盤 - 有墨魚餅、庶蝦、串燒、軟殼蟹卷和豆腐。墨魚餅爽口好味，庶蝦都好味道，仔仔仲吸埋的庶汁，佢話條庶好甜tim，串燒雞和串燒牛味道就一般啦，舊豆腐就麻麻哋。蝦天婦羅烏冬 - 烏冬口感麻麻哋，炸蝦和牛肉卷都OK嘅Pizza - 今次個pizza幾脆喎，味道也不錯，可惜隻蝦喺冰凍嘅，食到蝦時就覺得怪怪哋。帶子墨鱼麵 - 墨鱼麵好味道，個sauce幾好，帶子冇甜味，加埋啲sauce一齊食都OK嘅。大蝦麵 - 大蝦爽口，麵質也不錯，個sauce 好好味喎，香濃番茄味加上蝦膏味，正！Jelly Bricks - 有咖啡味、芋頭西米和柚子，我只試了咖啡味，咖啡味香濃，幾好味道Creme Brulee - 細細杯有原味、芝麻和朱古力味，三種都不錯。