EXP

營業中

休息中

我同朋友當日叫咗二人晚餐$358，牛扒同甜品就要加錢再換🫡圖二：刁草三文魚紅蔥薄餅三文魚完全冇腥味酥味，配埋蕃茄醬芝士非常之清新，唔會食落飽飽濟濟，可以話係市面上相對好嘅煙三文魚薄餅🤤🤩圖三：大包維（橙，西柚，青蘋果）非常新鮮feel到只有果糖，無再落糖 可能因為真係新鮮炸出嚟，杯嘢飲比想像中酸，唔太飲得酸嘅人唔建議飲，因為平時食開酸糖嘅，我去到最後都要溝水飲😂🙂‍↔️圖四：炭燒肉眼牛扒（8安士）配椰菜絲沙律•喼汁牛油（+$20）不得不提就係牛扒，我哋嗌咗五成熟，切出嚟嘅時候冇血水，仲成功鎖住肉針保持念念，作為一個原價大約200幾蚊嘅牛扒，佢絕對對得起個價錢🤩🤩💖圖五： 竹炭窩夫雪糕三文治（半價換購）竹炭味非常明顯，不過雪糕嘅味道見仁見智🙂‍↔️士多啤梨有啲似雪葩比較稀，柚子味好香甜又唔會酸澀冇柚子粒🤤整體而言，呢間餐廳好值得食，尤其你可以坐近溜冰場嘅時候，有一種錯覺俾你係$200食咗一個$600嘅Fine Dining🤭🤤🤤🤤

一D都唔好食軟殼炒蟹意粉，話需要20分鐘，五分鐘都冇就已經上菜，意粉口感唔好又硬，醬汁過濃太重手，放勁多汁，甜到冇朋友，軟殼蟹油膩！照燒牛扒洞庭烏冬，外表平平無奇，烏冬冇味，七成牛扒會變成全熟，但牛扒味道還是可以的，不過係唯一一道正正常常嘅食物！松露薯條，薯條翻炸口感超級差，而且並不是新鮮熱辣！咁大間餐廳居然冇bb櫈，冇bb餐具十幾年前已經blacklist咗佢，唔係因為阿仔鍾意望溜冰場，我哋都唔會入嚟再試一試，真係冇下次！

雖然呢間餐廳喺又一城已經屹立咗好耐，而我都幾常去又一城，但其實我去呢間餐廳嘅次數唔過三次，適逢最近有朋友聚會，而朋友就選擇咗呢間餐廳。裝修過後個餐牌好似比以前少咗選擇，而服務態度都係一貫地麻麻哋，不過坦白講以佢咁嘅價錢我都冇乜要求。我哋三個人叫咗五樣嘢，包括兩款前菜(墨魚沙律同埋沙嗲雞串)、泰式蟹肉薄餅、三文魚子明太子忌廉意粉同埋韓式海鮮石鍋薯粉。其實除咗個三文魚子明太子意粉我覺得因為太多cream而難食以外，其他四道菜其實以更平嘅價錢嚟講水準算係幾好，我個人最推薦就係個泰式蟹肉薄餅，因為個口味都幾清新同獨特。三個人都只係食咗六百幾蚊，都算係物有所值。

EXP📍 九龍塘達之路80號又一城UG樓UG-23號舖┄┅┄┅┄┅┄┅┄┅┄┅┄┅┄┅┄喺又一城想食個快飯 求其入咗呢間日韓西馬泰餐乜都有得叫嘅餐廳見OpenRice都有唔少負評 我自己就覺得味道都唔差🤔▫️韓式炸雞日本溫泉蛋石鍋香菇飯 ($118)韓式炸雞有四大舊 調味就係standardize嘅甜辣醬基本石鍋飯配料都有齊 芽菜泡菜蘿蔔絲✔️個飯都算煮很乾身 撈埋溫泉蛋同韓式辣醬食好滿足👍🏼石鍋keep住係熱嘅 底層飯焦都幾多幾香口🔹另外仲食咗朋友兩啖封門牛柳蛋包飯覺得個牛柳幾不錯 軟腍又有牛味👍🏼┄┅┄┅┄┅┄┅┄┅┄┅┄┅┄┅┄

一家人落山食晏，揀咗EXP，因為有早餐🥣環節，所以午餐🥣已有皓多人，但因為位多，攞咗飛都唔洗等位。隔一張枱望到人溜冰⛸️，入座職員👩‍💼會問咗yuu儲分，之後俾個QR code落單，叫咗蕃茄Pizza$138、日式全日早餐🥣$119、凍creme brûlée咖啡☕️$46同珍珠焦糖梳乎厘班㦸㨂雲尼拿$128（後上）。蕃茄pizza新鮮焗，望住厨師整，芝士🧀有拉絲，正👍🏻，日式全日早餐🥣有竹炭窩夫🧇，皓皓食，叫做日式，有蛋卷同獅子🦁狗，crème brûlée latte面頭有焦糖，就咁飲就多重口感，正👍🏻，梳乎厘班㦸叫上要20分鐘，不過唔夠空氣感，自己落珍珠，面頭有焦糖正，雪糕🍦太硬。店員不足，服務一般，仲有店員打爆玻璃杯🥃兩次

今日約咗好友去又一城...踩冰，雖然仆咗好多次，未夠2個鐘已經傷痕纍纍，不過又真係幾好玩嘅。又餓又渴的我(們)醒起對住冰場嗰間EXP有鮮榨果汁飲，於是就…躝咗入去了。重新裝修嘅EXP係唔同D嘅，我講緊D價錢，不過，都坐低咗啦。揭幾揭餐牌就決定嗌《橘香燒烤醬炸雞翼》，《封門牛柳紅酒燒汁蛋包香菇飯》，《24個月西班牙火腿燈籠椒薄餅》和《蜜糖紫薯迷你薄餅》，飲品當然係勁多選擇嘅鮮榨果汁啦。特別想講講佢碟雞翼，食落口帶點酸帶點甜帶點辣，非常濃味送飯一流可惜佢冇白飯。另外，紅酒牛柳飯牛柳軟腍腍又多汁，煎蛋好滑之餘D飯好多菇粒所以非常香，可說是色香味俱全。總括而言，EXP係OK好食嘅，份量亦足，只要維持水準，個人認為目前價格...尚算合理。

睇完戲後好肚餓，找個地方近近地食晚飯，見到EXP不用候位，就決定是它了！炭燒澳洲M3和牛西冷 (10 Oz) 配松露蛋黃醬薯條，餐牌上註明製作需時20分鐘，結果好快就上桌！牛扒大塊，充滿炭燒香氣，不會燒得太乾身，仍保持肉汁。薯條熱焫焫夠香脆，蘸香濃的松露蛋黃醬，好好食！24個月西班牙火腿燈籠椒薄餅，pizza以火腿圍邊，中間有燈籠椒、蘑菇片及芝士。火腿有光澤，微微鹹香之中又帶點甜味。Pizza餅底稍稍硬身了一點，若脆口些會更好吃。封門牛柳紅酒燒汁蛋包香菇飯，見到嫩滑的蛋就好吸睛了！封門牛柳肉質軟稔，牛味濃郁，配紅酒燒汁好惹味。香菇飯充滿菇菌香，與嫩滑帶蛋汁的炒蛋同食，正！燒帶子墨魚忌廉汁意粉，墨魚汁意粉爽滑彈牙，味道又香濃！燒帶子的熟度恰好，帶子依然軟嫩。日本溫泉蛋肉醬意粉，意粉份量好少，肉醬意粉的蕃茄醬汁味香甜，與溫泉蛋拌勻來吃，味道不錯。甜品是麵包布甸配綠茶雪糕，麵包布甸帶麵包的香脆又有布甸的柔軟，甜度適中。熱烘烘的麵包布甸，與冰凍甘濃的綠茶雪糕，冰火交融！EXP是一家上菜速度好快的餐廳，有幾道菜式的味道令人滿意，只是每道菜的份量不算多，男生要多吃幾款才夠飽。

28/9/2024📍EXP呢日要去又一城買啲嘢 咁就索性喺個商場食埋飯 見呢間餐廳嘅Menu好似正正常常咁 點知啲嘢食真係令人好不解😅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨大蝦牛油果醬pizza（$188）Pizza餡料係凍嘅😀 好似將凍嘅碎蛋牛油果沙律倒係熱嘅批底上面 全部餡料都痴唔實個批底 仲要係正中間拎上手好易就跌翻落嚟 食起上嚟好麻煩🙃所謂嘅大蝦 係連蝦殼都未搣乾淨嘅基圍蝦 真係得啖笑😅批底厚身鬆軟 但唔夠咬口✨燒帶子墨魚忌廉意粉（$148）3粒帶子唔算好大粒 亦都唔夠味 Pasta分量正常 偏硬身 Sauce嘅墨魚味幾香 overall都ok嘅😉但價錢偏貴⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$370（連加一）呢間可以pass❌尤其是係個不倫不類嘅pizza咁貴我不如食Dough Bros😀推薦指數🌟：2/5📍九龍塘達之路80號又一城UG樓UG-23號舖

又一城好多好餐廳，小朋友想一邊欣賞哥哥姐姐溜冰，一邊食午飯，所以揀咗EXPEXP店舖面積大，座位大多數都幾闊落，所以小朋友坐得舒服呢到有好多食物選擇，意粉、飯、pizza、沙律、炸物等都有Zaza今次order咗三文魚香草pizza、海鮮炒飯、千層麵、炸薯條、卡邦尼闊條麵三文魚香草pizza嘅餅底好好食，好鬆脆；煙燻三文魚都好出色；海鮮炒飯嘅材料好多，每啖飯都食海鮮感覺；翠玉瓜粒就增強咗炒飯嘅口感千層麵焗得好香，同埋熱辣辣上枱好吸引；炸薯條炸得好香口，不過又唔會太熱氣；卡邦尼闊條麵整體唔乾身，每啖都沾上卡邦尼汁，闊條麵彈牙

已好耐無嚟過又一城了（對上一次都有10年了😂）！今日重臨此地，發現大部分的餐廳都轉晒了，好驚訝 EXP 仍然仲喺度，menu都變得比以前更加吸引。我揀了「燒帶子墨魚忌廉汁意粉」 加一杯「芒果樂園」飲品；而我老公就食「和牛漢堡扒北海道湯咖哩稻庭烏冬」加一杯「大包維」飲品。.燒帶子墨魚忌廉汁意粉 —帶子表面有燒過，有炭燒味，但略嫌過熟，咬落有少少韌。墨魚忌廉汁則非常好味！意粉彈牙，做到掛汁效果，好食👍🏻.和牛漢堡扒北海道湯咖哩稻庭烏冬 —呢度嘅湯咖哩都幾辣，如果可以揀辣度就更好，因為我喺北海道食過嘅湯咖哩係唔辣但偏甜的。雖然幾辣，但係幾惹味，如果你鍾意食辣會幾啱你。.配菜係西蘭花、椰菜花、仲有3件天婦羅！😍 分別有青椒、紅椒及茄子天婦羅，炸得幾鬆脆，幾好食。.而全餐最驚喜要大讚嘅，係塊和牛漢堡！！！😋煎嘅時間控制得好好，外表煎到少少燶燶地有炭燒味，內裡非常juicy！！👍🏻👍🏻👍🏻.芒果樂園 —係將新鮮嘅芒果、橙、紅蘋果榨汁，仲飲到有少少橙肉，幾fresh幾好飲，唔會太甜。.大包維 —係橙、西柚、青蘋果3款生果榨汁。有西柚汁酸酸地幾開胃。.性價比唔算高，不過食物質素都算唔錯，和牛漢堡非常出

今天，趁小朋友上課來exp 放松一下。 Exp的早餐中，我最喜歡的是這個韓式辣面。雖然早上吃辣並不是那麼好，但偶爾一兩次依然很開心，配合一杯熱咖啡。在這樣一個陰雨綿綿的日子裡特別提神醒腦。

自己喺沙田返工去又一城都比較近，所以放工有時都會嚟呢邊食嘢。而今次嚟嘅時候呢都比較晏啲啦，所以呢呢一間餐廳居然唔需要排隊，所以呢就直接決定入去食啦，之前食開幾次都要排隊嘅。今次就嗌咗兩個意粉，一個係明太子三文魚魚子意粉，另外一個就係帶子墨汁意粉，兩個意粉都不過不失，但係自己略嫌啲意粉個質地呢就太幼身，自己係比較鍾意食粗少少嘅意粉，墨汁嗰個味道呢就唔係太出嘅，而食完真係成口黑晒，大家都要留意番。而明太子三文魚魚子意粉就非常之出色嘅，味道非常之好，個汁呢就唔需要多汁都好夠撈晒成個意粉，所以就推介。

今天趁著假日，我決定光顧這間餐廳，期待能享受一頓美味的午餐。然而，這次的用餐經歷卻讓我深感失望，甚至可以說是一場災難。青醬蜆肉意粉：不堪入口首先，我點了一份青醬蜆肉意粉。當這道菜端上桌時，我立即察覺到一股令人不快的怪味。更糟糕的是，意粉明顯未煮熟，口感生硬。這樣的烹調水平實在令人難以接受。牛扒：烹調失誤接著上桌的是我們點的牛扒。我們特意要求五成熟，但端上來的卻是七成熟的牛扒。這種明顯的烹調失誤是對顧客要求的漠視。價格與品質不成正比最讓人難以接受的是，這兩道菜的總價高達$328。然而，整頓飯中最好吃的竟然是牛扒旁邊的配菜椰菜，這實在是一個諷刺。如此高昂的價格，卻換來如此低劣的用餐體驗，實在令人十分失望。再也不會光顧這家餐廳，也不會推薦給任何人。

這裏買嘅外賣蔬果汁一向都很好，非常新鮮，但最近其中一較短髮嘅男職員語氣較差，表情也不友善，完全沒有禮貌。反而以前做得較耐嘅舊職員就非常有禮貌，希望exp 能改善一下。

今日咁啱喺九龍塘做嘢，入咗呢一間餐廳，本身睇餐牌嘅價錢都知道佢係中上嘅價錢，本身諗住見到咁多人入去試吓，點知中咗伏❌❌我哋叫咗一個Pizza ，點知味道真係非常一般，而且個餅底非常厚，咬落去真係口感好差，而且佢嘅價錢一啲都唔平，$128未計加一。嘢飲嚟講都非常甜，整體質素都麻麻地。朋友就叫咗黑咖喱炸雞飯，只有五件非常細嘅炸雞，再配一個香菇日式嘅飯，個飯係完全凍，非常surprise, 炸雞係熱嘅，不過啲飯係凍，配搭上非常奇怪，而且咖喱嘅味道亦都好一般，咖喱汁都唔係好多我哋五個男仔食完好似冇食過咁，份量非常少，每人最後埋單，$140，實在失望。