劉森記麵家 (褔榮街)

營業中

休息中

我在石硤尾暫居的日子搵食系列四今晚收工後和朋友在深水埗匯合，她帶我到劉森記麵家食蝦子麵。時間尚早，餐廳內也有八成滿座，我們不用等位。餐牌選擇多，最後點了蝦子牛腩牛筋撈麵 $37，係等待嘅時候，我哋就不停食擺係檯上嘅醃蘿蔔，蘿蔔爽脆，酸度剛好，不會太酸，又有少少辣味，越食越開胃。轉眼間我嘅蝦子牛腩牛筋撈麵就放係面前，嘩！都好大碟，而且麵上滿是蝦子，真係很香。自己平時很少食幼麵，因為怕鹼水味。估不到呢度嘅麵係咁好食，完全無鹼水味，麵很幼細又彈牙，真係必食之選。伴菜食落就好鮮嫩，而牛腩牛筋很腍和醬汁入味，啱晒我口味，再配上鮮甜清湯，真係唔錯。