影片
更多
2019-04-23
118 瀏覽
復活節假第二日，專程入去元朗搵好西食。呢餐係預約左好耐嘅鐵板燒。同女朋友一致決定要食特上活龍蝦鐵板燒。其實有諗過食鮑魚餐，因為師傅後邊個魚缸其實養咗好多活龍蝦同鮑魚，隻隻鮑魚都有成隻手掌連手指咁大隻，而龍蝦望落去都起碼有成斤幾兩斤重。不過今日想大大啖肉咁食龍蝦， 所以一致裁定要食龍蝦餐。前菜係野菜沙律同埋汁煮東風螺，沙律新鮮仲要有冰菜，東風螺亦大有驚喜非常鮮甜。跟住上碟嘅就係日本響螺，薄薄嘅一片，微微煎香，爽脆鮮甜。最特別嘅地方係去配上紫蘇葉嘅花，廚師好細心咁同我地講紫色嘅花係可以食嘅。果然紫蘇葉花帶有清香嘅紫蘇葉味配上螺片既鮮的確係絕配。北海道帆立貝並唔係單單煎香左就上枱。師傅將帶子殼放喺鐵板燒上，加上新鮮紫菜，再加少許嘅醬油同水，看似簡單嘅烹調，更加顯出師傅嘅工架。帆立貝上面再加上三文魚子，配合新鮮紫菜嘅湯底，的確係非筆墨可形容嘅鮮味。白甘鯛嘅煮法更加令我大開眼界。先將白甘鯛放喺滾油中炸魚皮，然後再焗熟魚肉。魚皮脆而不肥膩，鮮嫩的魚肉再配上支豆黑松露醬汁，令一向都唔係好鍾意食魚嘅我地亦都讚不絕口。食咗咁多好食嘅”前菜小食”之後，今日嘅主菜要正式上場啦。唔講得笑，隻龍蝦望落去有成兩斤
同女朋友一致決定要食特上活龍蝦鐵板燒。其實有諗過食鮑魚餐，因為師傅後邊個魚缸其實養咗好多活龍蝦同鮑魚，隻隻鮑魚都有成隻手掌連手指咁大隻，而龍蝦望落去都起碼有成斤幾兩斤重。不過今日想大大啖肉咁食龍蝦， 所以一致裁定要食龍蝦餐。
前菜係野菜沙律同埋汁煮東風螺，沙律新鮮仲要有冰菜，東風螺亦大有驚喜非常鮮甜。
5 瀏覽
0 讚好
0 留言
跟住上碟嘅就係日本響螺，薄薄嘅一片，微微煎香，爽脆鮮甜。最特別嘅地方係去配上紫蘇葉嘅花，廚師好細心咁同我地講紫色嘅花係可以食嘅。果然紫蘇葉花帶有清香嘅紫蘇葉味配上螺片既鮮的確係絕配。
日本響螺
10 瀏覽
0 讚好
0 留言
北海道帆立貝並唔係單單煎香左就上枱。師傅將帶子殼放喺鐵板燒上，加上新鮮紫菜，再加少許嘅醬油同水，看似簡單嘅烹調，更加顯出師傅嘅工架。帆立貝上面再加上三文魚子，配合新鮮紫菜嘅湯底，的確係非筆墨可形容嘅鮮味。
北海道帆立貝
15 瀏覽
0 讚好
0 留言
白甘鯛嘅煮法更加令我大開眼界。先將白甘鯛放喺滾油中炸魚皮，然後再焗熟魚肉。魚皮脆而不肥膩，鮮嫩的魚肉再配上支豆黑松露醬汁，令一向都唔係好鍾意食魚嘅我地亦都讚不絕口。
白甘鯛
8 瀏覽
0 讚好
0 留言
食咗咁多好食嘅”前菜小食”之後，今日嘅主菜要正式上場啦。唔講得笑，隻龍蝦望落去有成兩斤重。師傅原隻放喺鐵板上燒，再慢慢去殼切肉，一流視覺享受。
師傅將龍蝦膏加牛油連龍蝦肉一齊炒香，然後仲落足本咁加埋北海道海膽去煎，為呢未餸增添鮮味。
呢碟北海道海膽牛油龍蝦正式完成，未入口先聞到佢嘅香味，口水直流。龍蝦肉鮮甜彈牙，海膽同龍蝦膏濃郁的鮮甜，令到龍蝦肉嘅鮮更上一層樓。
北海道海膽牛油龍蝦
5 瀏覽
0 讚好
0 留言
師傅煎咗個香脆嘅多士，仲笑講話係呢度嘅招牌菜。
招牌多士
11 瀏覽
0 讚好
0 留言
中場黎個蒟蒻清清口腔再品嚐之後嘅餸菜。
另一道主菜就係A5鹿兒島野崎和牛厚切。
師傅煎得皮脆肉嫩。佢嘅皮脆就好似法式焦糖燉蛋一樣脆，咬落去嘅時候佢嘅脆皮呈V字直接陷入嫩肉中間，呢一種脆法都係第一次食到。和牛肉味濃郁鮮嫩多汁，食到停唔到口，好快就食晒。
A5鹿兒島野崎和牛厚切
10 瀏覽
0 讚好
0 留言
和牛之後係一碗乳白色嘅魚湯。濃濃嘅魚鮮味，一問之下先知道原來依碗湯係鱲魚湯。足足用15斤魚煲埋50碗，難怪如此鮮甜濃郁！
5 瀏覽
0 讚好
0 留言
香蔥櫻花蝦炒飯亦都炒到粒粒分明，雖然好飽但我都忍唔住食晒成碗。
呢一餐雖然唔平，但係絕對係物超所值，食完呢個之後令到我深深咁愛上左鐵板燒！
張貼
