金飯館

營業中

休息中

鐘意食炒飯 炸蒜香口嘢 絕不能錯過食過一次之後，每次經過觀塘都會睇吓順唔順路去光顧。同事們稱店舖為「世一豬扒飯」嚟之前同事已讚口不絕，下午茶時間仲有少量位置我哋特別點了招牌菜式嚟試試即叫即炸椒鹽豬扒飯一上枱蔥蒜香逼人極重蒜味的椒鹽豬扒豬扒一啲都唔厚粉，超鬆脆，肉感實淨易咬唔韌。炸蒜香味完全溶入去飯底炒飯底鑊氣十足，啖啖咸香可口。椰菜及紅蘿蔔等蔬菜，有用水烚過，唔硬清甜。前菜都好好食，少咸，撈埋落飯，口感層次更加豐富。招牌蝦頭油炒飯海鮮蝦味超濃郁，蝦頭油均勻佈滿每粒飯粒上，極濃嘅蝦味配上小巧嘅櫻花蝦仔。超多爽脆鮮嫩嘅蝦球。海鮮有彈牙嘅帶子粒粒仲有充滿蒜香蝦油嘅蠔仔食。秘製沙嗲牛肉雙燶邊蘭王蛋飯蛋黃嘅顏色超吸引。但我食唔出同平日食嘅蛋有咩分別。沙嗲牛肉真係似平日茶記食到嘅味道。佢醬汁濃郁撈飯食剛剛好。椒鹽雞軟骨一向好喜歡食雞軟骨，叫咗雞軟骨小食。味道與炸豬扒相近。炸得外脆內軟，有水準的酥炸椒鹽雞軟骨。雖然全餐好邪惡但飯粒炒得夠乾身好好食。個人特別喜歡蝦味，最喜歡的係招牌蝦頭油炒飯，多海鮮，海鮮唔老唔霉，爽脆鮮嫩，煮嘅時間剛剛好。小食椒鹽雞軟骨都不負所望，穩定發揮，好食可口。