大圍小館

營業中

休息中

終於試到好出名嘅大圍小館，平日嘅晚市最好都係book定位先！呢度嘅風格都充滿特色，menu上嘅野都幾特別。先叫左個海蜇頭，睇落平平無奇，但原來好大塊，好爽口，好食之後就叫左個魚香陳村粉，都幾大碟，而且好多醬汁，陳村粉口感爽軟，本身係無咩味，配埋個醬汁好新穎，出奇地都夾。燒鵝嚟講係要食下庄嘅個皮的確好香脆，肉質夠滑，啖啖肉，如果送飯應該好正。跟住揀左個清淡少少嘅金銀蛋浸田園蔬，又係一大碟好多😂味道正常。當然最後要試埋個沙翁，超級大舊！呢個懷舊小食真係唔係好多地方有。炸完灑上一層砂糖，非常邪惡，蛋味香，外脆内軟服務態度好好，有機會想試下嚟呢度飲茶🫖