千海水產海鮮火鍋放題

營業中

休息中

今日同事聚餐，我哋一行14人，預定時間1900，餐廳都準時有枱俾我地，分別係兩張四人枱及一張六人枱，四人枱一個爐我都可以接收，但係六人枱都係得一個爐就真係超級離譜囉，六人喎，一個爐？問職員，佢只係話，七個人以上先有兩個爐如果想要多個爐就加錢，真心差🤬，真係唔明點解可以咁，至於食物方面，熟食種類唔多，味道不過不失，海鮮其實新鮮嘅，但真係好多地方要改善，餐具要洗得乾淨啲，我見有啲裝食物嘅器皿有污漬，職員通知要交枱冇問題嘅，但可唔可以唔好黑晒口面呢？我知你辛苦，但唔係我欠你㗎！我都唔係要求你笑晒口只係唔好黑口黑面啫，最後希望你哋真係要檢討下六個人得一個爐係咪合理囉。