aira

營業中

休息中

上網搜尋一下，見到一間0負評嘅日本居酒屋🤩，仲要仲可以book到7:30👍🏻入到去感覺似酒吧，坐低我地就叫咗一支清酒先🍶，然後就開始點餐。MEUN唔算有太多嘢食，同埋都有幾多款係無嘅。我地嗌咗🔸清酒煮蜆 🔸日本粟米天婦羅🔸雞軟骨 🔸牛舌心 🔸免治雞肉棒 🔸吉列炸蠔🔸大蒽豚腩串🔸牛骨髓🔸燒白鱔 🔸燒明太子飯團 🔸露筍豬肉卷🔸七味魚翅 (叫咗清酒所以送嘅)最先上嘅係清酒煮蜆，蜆肉大粒又鮮甜，湯有淡淡嘅清酒味，飲落好清甜，好好味。之後嚟嘅係🌽粟米天婦羅，賣相一流！但味道上就無咩驚喜，炸皮略嫌有點厚，粟米唔算多。之後嘅串燒上枱見到色澤好靚，燒得香脆，但放入口覺得唔太入味。燒白鱔，唔知係咪鱔皮燒得有啲耐，反而有啲苦味。免治雞肉棒比較鬆散，入面嘅軟骨唔多，月見汁唔算濃。吉列炸蠔，比較一般當晚店員嘅服務態度好好👍🏻，又會搞下笑，令到我地用餐感覺都有變得良好。但可惜每次等上菜都等咗好耐，甚至叫埋單都等咗差唔多大半個鐘。我地由入坐7點半食到差唔多11點先走，但好大部份嘅時間都係等。價錢偏高但當晚食完其實都唔係幾飽。