SABROSA

營業中

休息中

在OpenRice看見這間餐廳的菜牌有慢煮羊膝配以鷹嘴豆，看似很吸引所以專誠來吃晚餐試一試。首先來了兩片多士，配以橄欖油及黑醋，味道不錯。以慢煮為名，我當然預期佢係入口即溶化，非常美味啦！但這道菜有點出入，啲肉都係腍，但係就冇我預期嘅入口即溶化啦，羊膝嗰邊焗得比較乾有點硬，味道可以接受，鷹嘴豆有點咬口，配以蕃茄醬汁味道還可以，如果他們將鷹嘴豆磨成豆蓉配以其他嘅調味料，好像薯蓉一般我相信會更加美味。由於碟頭不是很大，所以我決定再叫一個甜品試一試。叫了一個比較傳統嘅焦糖燉蛋，到了之後發覺size不細再配以一個scoop嘅雲呢拿雪糕座以黃糖，這是一個頗甜的甜品。我切開燉蛋的時候我想唔通係芝士餅？因為實在係非常之實，食了一半已經好有飽肚感。一般預期cream Brûlée 蛋糕比較鬆軟好有雞蛋同焦糖味，這個燉蛋實在太實淨了，比我預期有點落差。整體來說水平可以接受，但談不上是Fine Dining。