發記海鮮酒家

營業中

休息中

最初訂位時叫佢 Fax 過來的餐單沒有寫明$1180的餐單係不設晚宴的...＆只可以食到六點...（唔通要我地食海鮮下午茶咩！！！），所以我地唯有食$1680的晚宴，重訂了三圍...，所以我地一共用多左$1500...........！！！，這個都算了...。但我地明明果日早上改了入座時間，由六點改到六點半，但到六點五分時，佢地就不停地每五分鐘打一個電話來叫我地快d去，如果唔係就會將我地「訂」了的三圍枱俾人地...，真係趕死我地囉！！！另外，我地一早就講明會加餸的，但到我地入左席之後同老闆講加餸時，佢就話只可以加蝦...，唔可以加小菜...。最灰的是佢地第一味餸已經來了蝦...（擺明一早就已經想「蝦」我地啦...）。而且到我地同老闆話加多一個伊麵時，佢就話好，但等左好耐都未黎！所以我地就走去問老闆，但果時老闆娘就走過來話無囉...！之後個老闆就走過來話因為人多，真係要伊麵的話就要等一個鐘...！冷氣房又唔夠冷氣，又唔夠人幫我地攞碗筷，要我地自己招呼自己...。到食物方面，重話「阿蘇」去食過，好好味，但係我地都覺得唔得囉...，魚又蒸得老，芝士龍蝦伊麵又無芝士味，龍蝦又少，伊麵又少..。